اختي الغالية أم حور .... يقولون ما خاب من استشار .... و ان شاء الله الردود المختلفة على موضوعج ما تزيدج حيرة لكن تغطيلج كل ابعاد الموضوع لن كل شخص بيرد عليج من وجهة نظره وواقع تجربته و علمه .. وانتي بعدين لج الحكم و القرار في الرفض او القبول
اختي ... مو كل ريال عنده اكثر من زوجة هو ريال مستهتر او اناني ..... ولا كل ريال متزوجة وحدة بس يكون مخلص لها ووفي .. يعني تفكير الريال في التعدد مو عيب في شخصيته ولا في اخلاقه .. لكل الله خلق القلوب .. وخلا لكل انسان احتياجاته ... و ما اظن ان في ريال عاقل و ملتزوم ممكن يتزوج اكثر من مره الا لو كان بحاجة لزوجة ثانية .. و هالاحتاج يمكن ما يكون مفهوم لنا نحن الحريم .. لكن مثل ما قلتلج ..لكل انسان احتياجاته اللي ما يحسها غيره ...
رايي و نصيحتي لج .. لو كان السبب الوحيد اللي يخليج مترددة في قبول الزواج من هذا الشخص كونه متزوج .. فاتوكلي على الله و اتزوجيه ... لان الحرمة مو كل يوم تحصل واحد راعي دين واخلاق يتقدم لها .. وهالمتزوج لو ما كان راعي دين كن راح للحرام بدل لا يدور على زوجة ثانية .. صح ولا لاء؟؟
بس اختي ... ابيج تحطين في بالج شغلة وحدة قبل ما تاخذين قرارج بالرفض او القبول ... هل انتي شايفة في نفسج القدرة على انج تكونين زوجة ثانية؟؟ يعني بتتحملين ان تكون في حرمة ثانية تشاركج في زوجج؟؟هالشي لازم تفكرين فيه لانه شي اساسي...
اما بالنسبة للمشاكل اللي ممكن تحصل ... فاحلفلج و عن تجربة ... لو انتي عاملتي زوجته الاولى بالطيب و ما حاولتي تفرقين بينها و بين زوجج او انج تخلينه يظلمها عشان خاطرج ..فوالله بتكون لج اخت .. و بتحبينها و تغلينها اكثر مما تحبين خواتج اللي من امج و ابوج ..لان حياتكم بتكون وحدة و مصلحتكم وحدة ..وعيالج بيكونون اخوان عيالها ...فلو عاملتيها بالطيب بتعاملج باللي احسن منه ... والله ما بيخيب رجاج ان شاء الله
الله يوفقج و يهديج للقرار الصح اللي فيه الخير لج
تحياتي