منتدى عالم الأسرة والمجتمع - عرض مشاركة واحدة - انا قررت انتحر!!!!! هاد احسن حل .....

22-05-2006, 08:30 PM

#15

خلك إيجابي !

قلب المنتدى النابض

تاريخ التسجيل: Jan 2006

المشاركات: 1,421

محبة النبي ..
طلبي من خطيبج تطولون فترة الخطبة ، حاولي تقعدين معاه !
النت ما يكفي أبداً ، لأن النقاش بيكون جامد ،أحياناً مشاعرنا تأثر على الطرف الآخر وتجعله يعدل عن قراره ، النت يحجب كل هذا !!! ، جلوسك معاه ولو مرة بيساعد إنكم تحطون النقاط ع الحروف ، بيجعله يتفهم أن علاقتكم تتحمل الصبر ، فيها إيثار وتضحية .. تطول المدة مثل ما تطول ، المهم أن تظلوا مع بعض
( أليس هذا صحيحاً).

غاليتي ...
اللي قاعد يسويه ، (باعتقاده) هذا الأفضل لك هذا دليل محبته الغير مشكوكه فيك " هو لا يريد أن يتخلى عنك " لكنه يتوقع إنه مضطر لهالشي ، شكله خطيبج واقعي شوي ، لكنه للأسف ما عنده بعد نظر بإمكانية تحسن الظروف للأفضل ..
في أمل أن يظل ويتثبت ، وفي أمل ثاني إنه يعمل في مكان آخر !

ع العموم :
حاولي تقعدين معاه نفس ما قلنا ، وسإليه هالسؤال ؟

يعني ، هل ستظل طول عمرك من دون شغل ؟ ( محال)

إذاً أنا مستعدة أنتظرك إلى أن تجد وظيفتك ، إذا أنا مستعدة ، سألأيه وين المشكلة ؟

لاتبيني إنك متمسكة للرمق الأخير " حتى لو كان هالشي صحيح " ، خلك نوعاً ما ... أكرر نوعاً ما حازمة !
عساس يأخذ الموضوع حجم وما يكون ( ودّي ) و خارج عن الواقعية اللي هو فيها .

وإذا اضطريتي ..

دمعتين على كلمتين .. وشوية هجرة تفيد
" لكن تعتمد على شخصيته "

هذا اللي عندي حالياً ..
وأتمنى جد أساعدج ..

بظيف كلمة أخيرة إختي :
إن ما نفع التواصل المباشر ، تكلمي معاه بالهاتف ، ترى الصوت يلعب دور

__________________
تركع لك كل النساء حباً و كرامة ، و أظل أنا بينهن الوحيدة تخشاني و لا أحبك!!

خلك إيجابي!

التعديل الأخير تم بواسطة خلك إيجابي ! ; 22-05-2006 الساعة 08:34 PM