منتدى عالم الأسرة والمجتمع - عرض مشاركة واحدة - غازات الرحم هل تؤثر على العذرية ؟

21-05-2006, 11:01 PM

#14

أم نوافـ NaWaf

عضو جديد

تاريخ التسجيل: Oct 2005

المشاركات: 17

هلا وغلا

هلا بنات

كانت نيتي ارسل النظام على الخاص لكن الظاهر الخاصية مو موجودة بالمنتدى .

عموما النظام لأخت فيافي الله يجزاها خير والنظام متناقل بين اكثر من منتدى وبامكانكم تسوون سيرتش بقوقل

وتلقونه بالتفصيل.

والله يشهد علي اني استخدمت اهم شي فيه وهو السفوف واتبعت بعض النصايح اللي فيه كثر ما اقدر

يعني : تركت شرب البارد والمثلج ، وصرت البس شرّاب تكرمون ، ولا امشي حافيه ، والبس شرت طويل او بنطلون تحت

ملابسي " ترى مهم يا بنات البنطلون عشان ما يدخل هوا بالرحم ترى مو زييييين ابد ، واهم شي تدفين ولا تسلطين

التكييف عليك مباشره ، وشي مهم يا بنات انكم ما تغسلون/تشطفون " من تحت " تكرمون بماء بارد وترى سمعت ان

الشطاف يخرّب فيكون افضل تغسلين بإبريق حاولي ترى هو الأفضل.

غير كذا ترى مو زين بايام الدورة تغسلون رجولكم بماء - اذكر جديدة الله يرحمها تهاوش على هالشي - يعني شبشب

الحمام تكرمون لو مبلل البسي غيره وازين لو تحطين لي واحد على جنب لهالأيام وهالنصيحة من دكتور بعد .

<-- اجل شلون تنظف ونتحمم مثل الخلق ؟ .....

ادري هذا سؤالكم الجواب : انك تغسلين جسمك بماء وصابون " الافضل كل يوم لأن السفوف فيه حلبه " ، يعني لفي

على وسطك منشفه وغسلي شعرك بالمغسله وبعدين غسلي الجزء الاعلى من جسمك واشطفيه " انتبهي وانتي واقفه

عند المغسله مو في البانيو " ، وللمتزوجات كرري هالشي باليوم اكثر من مرة اذا خفتي تبين ريحة الاعشاب .

وعلى فكرة حتى النافس تستخدمه واختي استخدمته ايام نفاسها والله زين وكله من البيت والعطار ولا يخوف

النظام يصلح للمرأة الخربانه سواء متزوجه او غير متزوجه ويصلح للنفساء ايضا حتى لو لم تكن خربانه.

والله اني مابي شي من طرحي لأن مالي فضل باختراعه ولا شي ، كل اللي ابيه ان كل البنات والحريم يستفيدون منه

مثل ما استفدت ويسعدون انفسهم ورجالهم .

واللي مصرّة تدعي للاخت فيافي .