يا قلبي (هو في قلبي ) اشكر لك اهتمامك وحرصك الشديد


والله يا اختي اني ما ابطل تفكير ولا ثانيه 24 ساعه افكر حتى النوم عفته


اختي برنامجك حلو ما شاء الله عليك وتاكدي اني مطبقته وزياده ان شاء الله لاني يا اختي ولا ازكي نفسي على الله خايفه الله حيل واخشاه ولاني من الي يسمعون اغاني او يدوجون بالليل والنهار انا دائما في بيتي خايفه الله في بيتي واولادي

لكن اللي حاصلي يا اختي كبير وكثير احسن انه جبال من الجروح القاتله المميته

صحيح اني قويه في موقفي صامده امامه وكاني جبل ما هزه ريح متماسكه لابعد مما تتخيين

لكن من داخلي موهونه اتوجع اتالم احس ان قلبي مجروح ينزف ودي يا اختي ابكي ودي اصرخ ودي اخفف عني

شوي ودي انتقم لأنوثتي الي داسها برجليه ساعات كثيره احس اني مظلومه مظلومه حيل مظلومه وضعيفه رغم ما

ابديه من قوه لكن اظل يا حبيبتي أمرأه بحاجه للحب والحنان لكن وهذا الانسان ما فيه غير القسوه انتي تقولين
لا تطلقيييييييييييييييييييين
ولا تخلعيييييييييييييييييين

عيل شسوي اشلون انتقم لنفسي ولانوثتي اختي انا ماني كبيره بالعمر حيل انا الحين 32 سنه ولما تزوجت والله يا

اختي اني ما كملت 14 سنه وانتي تدرين ان الوحده فينا لو يصير عمرها 70 تبي الحب والحنان وهذا الشئ شايفته عند جداتي وخالاتي وهذا الشئ صحيح

اما بالنسبه للولد الكبير فانا مالي غيره اشكيله خاصه وانه زوجي ما يحاول يكسبه ويقول يشابهك طالع لك انا حابه اكسبه لي


وشكرا يا اختي على اهتمامك واسمحلي شغلتك معي