السلام عليكم
أخي الفاضل ... ابا وليد
اعتقد حالتك طبيعية بس انت مزودها على نفسك شوي .. يعني مثلا أنا خطيبي يموت على الشعر الطويل ويقول لي هذا شئ خاص فيني انتبهي تتعرضيه أو تقصيه ترا يصير فيني شئ...بس لما تعودنا على بعض خفت عنده المسألة شوي لأنه شاف أن الشعر مو كل شئ .. خصوصا أنه مع أول حمل ورضاعة بيطيح نص الشعر وبننجبر نقصه ... يعني الشعر شئ زايل وصعب تحصر تفكيرك بس فيه .. لأنه حتى لو تزوجت وحده شعرها طويل ماراح يدوم طويل كل العمر..

نصيحتي مثل ماقالوا الإخوان تتزوج وحده شعرها طويل وبعدين صدقني بتمل انت منه..

بس اسمح لي بكلمة... اعتقد ان السبب في تأخرك بالزواج مو قصة شعر طويل أو قصير ... يمكن هذا شئ انت اقنعت نفسك فيه ... لكن سفراتك وكثرة الروحات والجيات هي السبب الأكيد ... صدقني لو تتزوج ملكة جمال وشعرها لركبها ماراح تعجبك لأنك بتشوف فيها شئ ناقص شفته في فلانه أو علانه غيرها ... وكثير مثلك وصلوا فوق الأربعين وماتزوجوا بسبب كثرة السفر وإطلاق البصر ... يعني الزواج عندهم تقييد حرية ... والزواج يعني حفظ البصر وغيره وهم مايقدرون على هالشئ...

اتمنى تراجع نفسك ... وسن الثلاثين وانت تفكر بهذي الطريقة شئ مو بسيط ...
انصحك غض البصر ثم غض البصر ثم غض البصر .. واسرع بالزواج وكثييييير البنات اللي شعرهم طويل اذا مره ماسكه معك هالشغلة ..

اتمنى لك التوفيق والستر..