مرعوبة يا قلبي

تضاد الآراء سببه اختلاف المناطق ، وبالتالي اختلاف العادات والتقاليد

انا من الغربية زيك

نصيحتي لك ( وهدا اللي حأسويه أنا ) ولك الخيار في اتباع النصيحة وعدمها

نصيحتي لك إذا فاتحتك الوالدة ( وأكيد حتفاتحك قرب الزواج ) إذا كانت والدتك من النوع الشديد العصبي اللي ما يقبل

رأي ولا مناقشة قوليلها حاضر ياماما ، وخدي المنديل ، وشوفي رأي أبو الشباب

إذا كانت والدتك من النوع السلس ويجي بالمسايسة والدحلسة ، فحاولي تهرجي معاها في الموضوع وتوضحي لها

خوفك وحرجك ورفضك لهدا الشي ( رفض نفسي ) مو تقوليلها بعناد مااااااابغى ، فاهمة ، لا تخسري مامتك ، وأكيد لو

شافت خوفك دا راح تعطيك الحلول المناسبة لعيلتك وعيلة زوجك

وعموماً

طبيعي أبو الشباب قبل الدخلة بأيام ، أو حتى ليلتها ، حيفاتحك في الموضوع ، لانو الاهل حيكونو بيستنو النتيجة ،

وقتها فهميه إنك محرجة ، وخجلانة من دا الشي ، والله وافق أهلاً وسهلاً وبها ونعمت ، يسير طنشي الاهل كلهم ،

وحطيها فيه وقوليلهم والله الموضوع خاص بيني وبين زوجي واتفقنا ما يطلع برا ولا احد يدري عنو حاجة ..

ما وافق أمرك لله لازم تسمعي الكلام وتحاولي تتغلبي على الخجل كلها ليلة وتعدي المهم ما تخسري لا دا ولا دا

***

وأي سؤال أنا تحت أمرك يا قمر