ههههههههههههههههههههههههههههههههههههههههههههاي
مواقفكم حلوة مثلكم
انا الله يسلمكم
بعد ما جو اهله وخطبوني وبعد ما استخرت جا اليوم اللي بيشوفني واشوفه
المهم قاعده افكر طول اليوم وش لون ادخل اتكلم والا اسكت احسن لي لاني فضيحه عارفه نفسي
ويوم بدا العد التنازلي وجاء الرجال علشان يشوفني قال اخوي يالله جيبي العصير وتعالي
واول ما دخلت المجلس رحت بالعصير لاخوي وما بغيت اقرب منه ولا اعطيه العصير
قام اخوي اشر لي يعني عطيه هو اول
المهم عبست في وجه اخوي يعني لازم وهز راسه وما امداني اتجه بالعصير للعريس الا الصينيه خابطة وانكب العصير
عاد هو مسوي فيها شديد يقول طاح الشر
وانا من الخوف والخجل جتني حالة ضحك هستيرية
ورحت جلست جنب اخوي وماني قادرة اسكت احس اخوي ودة يصفقني
والله توقعت ان الرجال يهون ويقول خلو بنتكم عندكم بس اللي صار الحمدلله تم بحمد الله وزواجنا بعد كم شهر
لا حتى يوم الملكة جيت اشربه العصير وكبيته عليه قدام الناس
الرجال تعقد من العصير
يوم تأسفت له يوم الملكه قال خلاص يا بنت الحلال متعودين اناا طيرت عيوني وقلت له وش متعود عليه قال نسيتي يوم الشوفه
قلت هاه ؟؟وتوهقت
عاد الحين اقول له لازم اشربك العصير يقول فكينا من عصيرك خخخخخخخخخخخخخخخخخخخخخخخخخخخخخخخخ
والله يوفق الجميع ان شاء الله
__________________
((سبحان الله عدد ماكان وعدد ما يكون وعدد الحركات وعدد السكون))
قالها احد الصحابه في عام ثم قالها في العام المقبل ,فرأى في منامه أحد الملائكة يقول:
لم ننته من تسبيحك في العام الماضي ))