اخوي ليش تجيب عوار الراس لنفسك يعني عشان الاولى مثل العسل على قولتك تكافئها بأنك تتزوج عليها

صح الله حلل لك اربع لكن بعقل انت عايش حياتك ومرتاح ليش تخربها على نفسك

ولا يعني زوجتك الاولى صارت مثل العسل ومانكدت عليك لازم تجيب لك وحده تنكد عليك

يعني هذا جزاها المسكينه


بقولك كلمه وحده بس

حط نفسك بمكانها اقصد زوجتك وشف وشا الاحساس اللي بتحس فيه

وحده ماقصرت معاك بشي ليش تتزوج عليها

لاتخلي ابليس يلعب عليك يمكن تتزوج زوجه ثانيه تقلب عليك حياتك وتنهى عيشتك مع الاولى

وتخرب حتى دينك

لاتخرب حياتك وخصوصا ان عندك اطفال حرام تلعب في مشاعرهم


انا اقول راجع حساباتك

ترا التعدد صعب

صح الله حلله لكن محد يضمن نفسه

افرض بكره اذا تزوجت فرقت او ماقدرت تعدل بين زوجاتك

حتى لو حاولت يمكن غصب عنك ومن دون قصد تأكد ان الله بيحاسبك على كل صغيره وكبيره


وخاف الله في زوجتك الاولى لان زواجك عليها

بيأثر على نفسيتها اذا عطتك كل شي ومع ذلك تركتها

لاتنتظر منها بعد زواجك اي شي كانت تسويه لك قبل لاتتزوج

لان مانفع فيك

وتزوجت عليها

وتأكد حبها لك بيقل

وحتى احترامها لك


اسفه اخوي ماقلت هالكلام لاني بنت وبس لا لاني عايشه بالمجتمع وشايفه نماذج ياكثراللي تزوجوا الثانيه وندموا قد شعر راسهم


يعني عشان الاولى زينه معك واخلاقها حلوه معيشتك في سعاده

وفتحت نفسك للزواج

تقوم تتزوج عليها

ويمكن تقصر بحقها الا مو ممكن الا اكيد

لان الله عز وجل قال

في ما معنى الايه


ولن تستطيعوا ان تعدلوا ولو حرصتم


فليش تجيب شي يحاسبك ربي عليه وممكن تظلم فيه زوجتك الاولى

دام ربي فاتحها عليك ومسعدك نصيحه من اخت لك في الله


ارجع عن قرارك

وفكر في الموضوع صح ومن دون انانيه

وحط نفسك مكان زوجتك


وان شاء الله بتغير رايك


دام زوجتك على هالصفات اللي ذكرت ماتستاهل انك تقهرها وتتزوج عليها

كل شي ولا الشريك

ولاتتوقع انها بتزعل في البدايه وبترجع تسامح

لانك بنظرها ماقدرت كل اللي سوته لك

ويمكن حتى تطلب الطلاق

او تعيش معاك عشان عيالها وبس

ومافيه سبب يخليك تتزوج عليها

اذا في راسك موال ترا الحريم كلهم واحد

واخيرا اتمنى لك حياه زوجيه سعيده مع زوجتك الحاليه
وان شا ءالله ماتتزوج عليها