|
المشاركة الأصلية كتبت بواسطة ام ليـان
السلام عليكم
بالاول حبيبتي لازم تكون نوعيتها جيده ..
بعدين اذا كانت اللحمه مجمده غالبا ماتتغير نكهتها يعني مو مثل الطازجه ..
قبل ماتطبخينها غسليها زين واذا حبيتي ممكن تدعكينها بشويه دقيق بعدين تغسلينها مره ثانيه ..
وتحطينها في قدر على النار وتقلينها شووي وممكن تضيفين لها بعد كذا شويه مويه وخليها تغلي شوي ..
بهالوقت بتلاحظين انه بتطلع رغوه كثيره خليها شوي .. بعدين شيليها من على النار واغسليها مره ثانيه ..
بعد كذا تقدرين طبخينها عادي ..
بانك مثلا تقلين شويه بصل في زيت خفيف وتحطين عليه مطيبات مثل القرفه وورق الغار وشويه بهارات ..
وتقدرين تسوين هالطريقه حتى مع اللحم المفروم ..
لانه من جد تشيل النكهه او مثل مانسميها الزفر من على اللحم ..
ان شاء الله اكون افدتك حبيبتي ..
|