والله انا قبل فتره تقدمت لخطبة بنت ، و صراحه ما كنت خجلان ابدا ،

المهم بعد ما تكلمت مع ابوها طلبت منه اني اشوفها ،

و قال ما فيه مشكله ، المهم راح يناديها و جاء و جلس ،

البنت طولت ما جت يمكن ما كانت تتوقع اني اطلب الرؤيه الشرعيه ،

و بعد 15 دفيفه تقريبا شرفت و جلست بالقرب مني ، وكان الموجودين معنا ابوها و اثنين من اخوتها ،

المهم اني هريتها بالاسئله و هي يالله بالكاد تتكلم بصوت منخفض جدا و عيونها للارض،

و صراحه بحلقت فيها كويس حتى اني لاحقتها بنظراتي وهي خارجه من المجلس ، وكان الخجل في وادي و انا في واد آخر ،

لكني مع كل هذا لم اركز فيها جيدا ،

اعجبت بالبنت اثناء الحديث ولكني لما عدت للمنزل نسيت شكلها ،

والله العظيم اتكلم من جد ، نسيت شكلها ، حتى شعرها ما خذت بالي منه هل هو ناعم او خشن وحتى لا اتذكر لونه ، انفها ما ادري وش شكله طويل والا افطس ، وهلم جرا ،

ما اطول عليكم ، وافقوا علي و كانت هناك فترة خطوبه ،

تخللتها مكالمات تليفونيه ، وفي اول او ثاني مكالمه طلبت منها ان تصف لي نفسها ،

البنت استغربت وقالت هماك شفتني ؟

قلت بلى ... لكني نسيت شكلك ...

ووصفت لي شكلها و جسمها ...حتى اللي ما شفته ... بالتفصيل ،

صراحه انا استحيت اطلب منهم اني اشوفها ثاني مره ،

بعدين قلت لها ممكن تقولي لأهلك اني ابي اشوفك ثاني مره ؟

قالت لا .... خلي الشوفه في الملكه ،

و فعلا ما شفتها الا في الملكه ،

المفروض ان الخاطب يكون هادىء و يركز على كل شيء ، و خصوصا الشكل لأن الشخصيه سيتعرف عليها من خلال المكالمات اثناء فترة الخطوبه او الزيارات ، حتى لا يتفأجأفيما بعد بشيء لا يعجبه و بعدين يلوم نفسه ،

هذا زواج و حياه و عمر ماهو لعب .

و ســـــــــــــــــــــــــــــــــــــــــــــــلا متكـــــــــــــــــم .

__________________

المشاغبه في قلبي و ستكون في قلبي حتى بعد آخر نبضه ،

هي حياتي ... هي دنيتي ... هي أجمل شيء في الوجود .