إخوتي الأعزاء لا أدري ما أقوله لكم إلا جزآكم الله خيراُ
فوالله مروركم وردكم أثلج صدري وحسيت أن أحد معي يشاركني همي ويسدي الي نصائحه

اختي عيون شرقية تسلمين حبيبتي على المرور

وفعلاُ زي ماقلتي الرجال مالهم أمان والله اني كنت يوم اسمعها اقول حرام نظلم الرجال كلهم لكن الآن ....

اختي عبير الأحلام تسلمين حبيبتي على الرد فعلاُ اشعر انه كذا من النوع اللي يتأثر بما يسمع ذلك بناءُ على مواقف ولما اقوله ينكر ذلك

اختي جلوريا كانت تلك مقولتي من قبل عندما يدور بين أي حديث عن الرجال
لكن بعد اللي حصل تيقنت ان كل ذلك صحيح مالهم أمان غير تفكيرهم بأنفسهم وبس حسبي الله عليهم

اختي free4ever200 تسلمين حبيبتي على دعواتك والله يسمع منك
الله يصبرني يارب وجزاك الله خيراُ



اختي لحظة وداع تسلمين على المرور وفعلاُ لاسلاح لي الا الدعاء وحتى ترددت في كتابتي وطرح موضوعي لكن والله بس ودي اطلع اللي في قلبي وكنت الوقت كله احس اني مخنوقه وقلت افضفض عن نفسي
أما المشتكى الى الله ..

وباحط خطوط تحت كلمتك "وما قصرت معه ابدا "

تدرون قبل مايحصل الموضوع بساعه شفته انه مهموم وعرفت انه سبب المشروع اللي خسر فيه والديون اللي عليه والراتب اللي دوبه مستلمه وطار منا علشان الالتزامات فصرت اهون عليه وأقوله ربي بيسهلها واني ان شاء الله احاول اني اخذ من اهلي "بعض من حقي في ورث الوالد رحمه الله " واحاول اني اساعده وأخرته شوفوا تفكيره وين .......

تسلمين اختي جمر على مرورك وفعلاُ حق الزوج عظيم والمفروض اني ماذكر اللي سويته بس والله اني بانفجر من القهر لانه صدمني فيه دايماً يبعد فكرة وموضوع الزواج الثاني والحين بمثابة الصدمه لي

اختي night 2005 تسلمين حبيبتي على المرور

اخي الزعيم كلامك صحيح لكن ماذا نفعل بماجبلنا عليه

تسللمين اختي الم الحبوب على مرورك انا ما اتجسس على زوجي لأنه مايخبي عني شي غير كذا الجوال عندي وجت الرساله وفتحته ومتعوده افتح رسايله حتى لو هو في
أما البريد الالكتروني كنت ابحث عن موضوع لي وحاطه العمل دون اتصال وانفتحت الصفحه قدامي يعني لاتجسست ولا يحزنون ..

اختي شجرة الدر تسلمين حبيبتي على هالرد احس انه اثلج صدري وجعلني اراجع نفسي واني ماستسلم بهذه السهوله ..جزاك الله خيراً

اختي فرحه اللي تقولينه صعب على النفس والمرأة تعرفين طبيعتها الفسيلوجية
انا اعرف وحده خطبة لزوجها بعد الحاح عليها انه وده بالثانية وراحت اخطبتله بعدها المسكينه اصابتها حاله نفسية وبعد شفائها تغيرت معاملته لها وصار يضربها واخرتها طلقها

اختي good heart
تسلمين على المرور وفعلا رد اختي شجرة الدر هون علي الكثير

اختي ام سوسو تسلمين على المرور بصراحه كنت مستبعده هذه الفكره بعد الشمس عن المغرب حتى اللي حولي يوم يجي سيرة الثانية وان احد من جماعتنا يتزوج يعلقون علي انه زوجك لايمكن انه يتزوج عليك لدرجة اني الحين شاكه اقول امكن عين صايبتنا لأني من النوع اللي في قلبه على لسانه لدرجة والله العظيم اني اقولهم حادثه حصلت مع زوجي اني احكيله حلم وابغاافسره واقوله امكن حرمه ثانية على قولتي حرمه ثانيه قاطعني قال لاتكملينها ترى تقع وكل اللي حولي على طول يحظك به والله انه طيب

لكن الآن والله اني احس انه تغير وكله من لسانييي

اللهم اني أسأللك باسمك العظيم الأحد الفرد الصمد الذي لم يلد ولم يولد ولم يكن له كفوا أحد انك ترجعلي زوجي زي أول واحسن وان تسخره لي وتبعد عنه رفقاء السوء اللي يفرقون بين الزوج وزوجته وتمحي فكرة الزواج الثاني من باله