الصراحة كنت ما راح أشاارك..بس لخبرتي البسيطة حبيت أشــاركك..

أول شي..بالنسبة لإستئصال الثدي..و زراعة ثدي جديد..هناك نوعين فقط..

نوع يتم زراعة ثدي إصطناعي..يقولون أن العملية بسيطة..تستغرق بضع ساعات..و شكلها يكون مثل الطبيعي..

سلبياتهــا..عدم الإحساس بالثدي..أي بتكون شكل و بس..و صالحة لمدة تقريباً 10 سنين..

الطريقة الثانية..يتم أخذ جزء من البطن..و تركيبه محل الثدي ..إيجابياته..بكون الثدي طبيعي يمكن الإحساس به
و شكله مثل الطبيعي..

بس اللي حابين يعملوا هذه العملية لازم يكون عندهم ..(كرش صغير)..و على فكرة بعد أخذ جزء من البطن..يصبح
مسطح..بحيث ما برجع الكرش للإنسان..

سلبياته..ما بكون في حلمة..بل يتم رسمه بطريقة الوشم..(طريقة طبية)..و السلبية الثانية إنه يترك بعض الندبــات..
فإذا أراد الشخص التخلص منه عليه بعملية تجميلية..


هنــاك من الناس اللي بختاروا ما يعملــوا أي عملية زرع..بل يقومون بشراء ثدي إصطناعي من الأماكن الطبية المتخصصة
تكون بأحجام و ألوان مختلفة..و ملمسه مثل الطبيعي ..هنااك البعض اللي ما برتاحوا فيه ..فهناك أيضاً إشي أخف ..
بكون مصنووع من أقمشة خاصة..

..ملاحظة صغيرة..

المرأة أو الفتاة اللي بتستأصل ثديهــا عليها التصرف إما بزرع ثدي ..أو شراء واحد إصطناعي..حيث عدم وجوده
يؤثر على العمود الفقري..فسبحان الله لكل شي فائدته..فعدم وجود واحدة..تؤدي إلى إختلال التوازن..جهة أثقل
من جهة..(يعني ممكن يعمل أوجااع ظهر بالأول و هيك..)

على كل حبيت بس ألخصلك بشكل سريع عشان تكون على علم و إذا حبيت تعرف أكثر إسأل الطبيب أو إبحث على النت..

نأتي لأسئلتك..كيــف تخبر الأطفاال..

الصرااحة هذه أصعب جزء ..يعني زي ما بقولوهــا صعب تلاقي الكلمات الملائمة..بس إذا الأطفال لسة صغــار مش
ضروري تحكي كل شي بالتفصيــل..بس قلهم أمكم مريضة..و ادعو ربنــا يشفيهــا..إلخ

أما إذا كانوا بعمر إنهم واعيين..فقلهم الصرااحة..بالعكس ممكن يقفوا و يرفعوا من معنويات امهم..بس صدقني ما هي
سهلة..

ماذا يفعل الزوج..

يـــــقف مع زوجته في كل شي بصير معهــا..ياخذهــا للمشفى..يحاول رفع معنوياتهــا..و تذكيرهــا بالأذكــار..
يعني باختصار يكون جزء من كل شي عم يصير مع زوجته..

و إن شاء الله يــا رب ما يكون في داعي لإستئصال الثدي..(شخص قريب علي جداً مر بهذه المشكلة..صدقني كانت
أصعب الفترات..انا عشت المرحلة كلها إلا وقت أخذ الكيماوي لم أكن موجودة..الله يكون بعونكم يا رب..) بس تعرف الآن تضحك على ما مضى..مثل ما بقولوا شر البلية ما يضحك..

فترة و بتعدي..بس أهم شي حتى لو تم الإستئصال ما تشعر زوجتك بتغير أي شي من ناحيتك..لأنه بأثر على النفسية كتيـــر!


إذا عندك اي استفسار ثاني بحاول أفيدك..

الله يشفي زوجتــك يا رب..


دمتم برعاية الله