[=حديث العهد]مرحبا
أهلا وسهلا


في البداية حابه ابارك لكل الامهات اللي رزقهم الله بطفل يملي عليهم حياتهم والله يعطي اللي ما رزقهم ...
ألف مبروك على المولود ويتربى فعزج إن شاء الله..


عندي كذا استفسار.........

رضيعي عمره شهر وعشر ايام........... ارضعه رضاعه طبيعية ورضعة وحدة صناعية بالليل استخدم حليب سيميلاك ادفانس بالحديد....... واعطيه شاي ملوبا بخلاصة الاعشاب......... واحيانا كم قطرة ماي.......


ولدي كان في البدايه بعد كل رضعة طبيعية يتبرز ... اما الحين باليوم مره او باليومين مره........
إذا كان البراز لين فهذا شي عادي...
أنا بنتي كانت تتبرز مع كل تبديلة حفاظة وبعد فترة صارت باليوم مرة..عادي...
بس إذا كان البراز غليظ ويابس فهذا إمساك... أنصحك بالحليب الصناعي (كومفورميل) وايد زين للامساك ومكتوب عليه هالشي... حليب الأم يكفي ولكن الماي ما يضر وخصوصا ألحين مفيد لأن الجو حار وممكن يحس بالعطش...
وشاي ميلوبا زين.. الرضاعة الطبيعية تكون تقريبا كل 3 ساعات... وأنا ألاجظ بنتي تجوع كل 3 ساعات.. بس إذا كان نايم لا توقظينه... بس خلك مستعدة أول مايقوم ترضعينه لأنه بيكون جوعان..


هل في شيء يشجع الطفل على التبرز... اعتقد انه مشكلته في بطنه غازات.......


لما يرضع صعب انه يتجشأ.......
جربي ماي غريب وبعد الرضعة على طول حطيه على كتفك أو على بطنه عشان تطلع الغازات من فوق وتحت.. ولا تتعبين حتى لو تم ربع ساعة..

وبعد طفلي ما ينام الا بحظني... هل معناته انه بيتعود على ها الشيء او انه ها الشيء طبيعي في هذه الفترة؟؟؟
لا تعودينه ينام بحضنك.. ترى بعدين بتتعبين وايد..

وكيف تتصرفون لم اتيي اطفالكم الزحوقة (الفواق)
البوفاق عادي... أنا بناتي من يوم عم في بطني يجيهم الفواق بكثرة.. عادي فترة ويوقف..


عندي تسأولات كثيرة لاني ام يديدة.......... اتمنى من كل وحدة فيكم ما تبخل علينا بنصايحها....

وكيف نتعامل مع الطفل الرضيع في اول شهرين........


يعني الاستحمام........... عدد الرضعات.......... استخدام اللوشنات والبودرة والدهن عود...
ممكن تحممين الطفل كل يوم مرة أو كل يومين أو حتى ثلاثة..وبعد ماتجففينه حطي له زيت الطفال baby oil وبعدها بودرة... ماركة بيجون ريحتها روعة... بس دهن العود سمعت إنه حار على الياهل ومب زين.. وإذا خاطرج حطي شوية على ملابسه مب مباشرة على البشرة...

المحضور والمسموح ... طبعا اللي نقراه في الكتب شيء والممارسه والخبرة شيء ثاني

إن شاء الله أكون أفدتك..