بالنسبة لي ؟؟؟
قصتي قصة !!!
لأني خطبت مرتين وشفت الفرق بين الرؤيتين كبير .....
أول بنت شفتها :
كان أخوها موجود لأن أبوها في مدينة ثانية ، لذلك ما كنت قلقان أو خايف خصوصا إن أخوها أصغر مني
جلست أتكلم معاه ، وفجأة دخلت علي وأعطتني العصير بكل جرأة !! وجلست قدامي مباشرة ....
بدأت أسألها بعض الأسئلة عن دراستها والوظيفة و و و ..... إالخ
الغريب في الأمر أنها لم تنزل عينها من عيني ، وكانت في قمة الثقة والجرأة ..... !! إلى الآن الأمور مشت عادي ... بس
بعد لحظات البنت أخذت راحتها بزيادة ... !!! تدرون وش سوت ؟؟؟
أنا بصراحة ما أتجرأ أسوي الحركة !!!!
الأخت في الله حطت رجل على رجل وكأننا في قهوة !!!!
أنا انصدمت مررررة
وتأثرت من هالحركة خصوصا إني كنت أشوف أخواتي وقت الرؤية الشرعية تكون خجلانة مرة وما ترفع عينها من الأرض
المهم :
بصراحة هي عجبتني من حيث جمالها ، بس خجل أو حياء أو ......... الله يخلف !!!
دخلت الوالدة علي بعد ما خرجت هي وأخوها ، وسألتني عنها ؟
بصراحة كان القرار صعب بالنسبة لي ،،،
مدري أوافق علشانها جميلة ؟ ولا أرفض لأنها جريئة ؟؟؟
الوقت لا يسمح إنك تفكر بهدوء أو تستخير أصلا ،،،
قلت للوالدة موافق ،،،
طبعا الوالدة لبست البنت طقم ذهب على أساس إن هذا من عاداتنا .....
خرجت من بيتهم علشان أصلي العشاء بالمسجد .....
ولما خرجت من باب بيتهم ما أدري ايش جاني !!!
والله العظيم بديت أبكي من قلبي وحسيت إني استعجلت في قراري !!!
وكل أهلي شعروا بعدم فرحتي !!!
معليش طولت عليكم بس والله موقف مستحيل أنساه ....
بعد أسبوع من الإستخارة والدعاء كلمت أبوها واعتذرت لأني حسيت بعدم راحتي للموضوع
ومرت الأيام
وخطبت بنت ثانية ..... وكنت أحسب إن البنات كلهم زي ما شفت أول مرة !!!
رحت أشوفها وبحضور والدها ........
حسيت بخوف كبير وارتباك ، وخفت يصير نفس الموقف الأول ....
لما دخلها أبوها حسيت بكل جسمي يرتجف وما ني قادر أركز أبدا
المهم :
دخلت
وشفت شي غريب ................ !!!
البنت
تبغى تموت من الخجل ....
والله ما رفعت عينها من الأرض ،،،
وما قدرت ترد علي ولا بكلمة !!!
مع ابتسامة خجولة جدا !!!
حتى لما جلست قدامي على الكنبة ما قدرت تواجهني بالضبط ،
انحرفت شوي لليمين ،،،
يا سلااااااااااااام
هذا الأدب
هذي التربية
الله ما أحلى البنت بحيائها ........
مباشرة أرسلت رسالة على جوال أختي وقلت إمسكوا العصفور !!!!! لا يطير
وتمت الأمور وأنا الآن في فترة الخطوبة معاها في أحلى أيام عمري .....
صحيح إنها تعبتني بزيادة خجلها حتى في الكلام ،،، بس أحسن
أنا أعلمها زي ما أبغى .....
أنا آسف على الإطالة ....
بس من زمان كان نفسي أطلع هذا الكلام من قلبي علشان تستفيد كل بنت !!!!
وما تاخذ راحتها بزيادة ،،، علشان توري نفسها اجتماعية !!!!!!!!!!!!!!!!!
إحذري فالرجل يريد الحياء قبل الجمال ،،،
والله يوفق الجميع
التعديل الأخير تم بواسطة متفائل جدا ; 19-04-2006 الساعة 03:15 AM