الله يعينك شوف ياسيدي انا مخطوبه من سنه و الشي الطبيعي انو يسير في بيننا اختلاف
لانو لو فكرت فيها كل واحد منكم جي من بيئه مختلفه وتربيتكم مختلفه والاهم من دا كلوو التفكير والقناعات مختلفه
شوف يمكن انا وضعي قريب شويه من وضعك انا ليا سنه مخطوبه وتقريبا مشاكلنا يوميا وانا جدددددا عنيده
لكن اللي فادني انا وخطيبي وعينا احنا الاتنين جلسنا واتفاهمنا واتناقشنا وقررنا انو لو كان فيه
طبع كويس نستمر عليه ونمشي عليه ولو كان عندو طبع وحش وانا طبعي حلو ناخد الحلو ونمشي عليه
مو عيب انو يكون الانسان عنيد لكن اهم شي مايوصل العناد انو يازيك ويازيها
في رايي اجلسو مع بعض كدا بهدوء واتناقشو لكن وعيها وفهمها انو هادي امكانياتك وبنات الستر يشترو رجال موش ماديات وربي يسعدكم وتجينا المره الجيه مفرفش ومبسوط