المشاركة الأصلية كتبت بواسطة al_3asooola

أخي صقر الشرقيه كنت راح أقول صقر قريش
المهم إنته كرجل لازم تعرف إنو الحياه ماتمشي بين الزوجين إذا كان في حياء بينهم لازم تكون صريح وتتكلم معاها وتوضحلها هذي النقاط طبعا بطريقه لبقه وحنونه وكلام جميل وحاول بعد الإنتهاء من الموضوع أن تعاملها بأسلوب حنون جدا لأنها في الغالب هنا تكون محرجه منك أو قد تكون حساسه بزياده وتكون مجروحه منك
لازم تعود زوجتك علي الصراحه في الحياه الزوجيه وترا أنا مجربه هذي الصراحه وحسيت براحه عجيييببه وربي لأنه تسير عارف إنو الشخص إلي معاك عمره ماراح يخبي عنك شي
وإذا إنته محتار كيف تبدئ معاها الموضوع أنا اقلك:
تعال في وقت هدوء وهيه مزاجها رايق وياحبذا لو في اليل وفي غرفة النوم تسألها إنتي مبسوطه معايا ؟ وبعدين تسألها تاني طيب إيش مو عاجبك فيه أو إيش مابيجذبك فيه عشان أغيره ومن هالكلام تقوم هيه من باب الفضول والمعرفه حتسالك إنته إيش مو عاجبك فيه إيش مضايقك مني فحسسها إنو إنته مو زعلان عشان هيه لاتتأثر بس قلها علي إعتمامها الشخصي بنفسها وقلها كل إلي إنته متضايق منه
بس حذاري حذاري إنو تبدء تعيب بزياده يعني لما تقولها علي الأشياء إلي مضايقتك مو تجلس تقلها وإنتي ماتعرفي ولا تذكرها بمواقف خلاص بس قلها وأنتهينا وهيه راح تفهم
وإن شاء الله يكون الكلام إلي قلته مفيد لك وياربي يسعدك ويسعد كل المتزوجين يارب
أسفه علي الإطاله
تحياتي: العسوله