اقتباس:
|
المشاركة الأصلية كتبت بواسطة حيرانة بوظبي
بسمة
اشكرك جدا جدا على متابعة موضوعي
ومحاولاتك الجادة معي فايجاد الحل
بحرينية ولكن
انا فعلا مثل ما قلت شبعانه عتاب ولوم
افكارك اعجبتني وباذن الله احاول اطبق منها
اخاف اعترف بشيء تضروبني بسبته وتحطون كل اللوم علي
وتخلوني ارد اصيح مثل ما صيحني واحد قبلكم اليوم ما بقول منو 
وهو انه فعلا لما اكون اوكي وياه احسه يشتاق لي ويرد وهو ملهوف علي
بس عطيني شي من افكارك الحلوه اللي تناسب شخصيتي حق هالفتره
يعني شو ارد عليه لما اكلمه بالتلفون شو اقوله
خاصه انه يمكن يطول هالفتره يمكن اسبوع او اثنين ويمكن شهر ما يندرى |
حبيبتي حيرانة....
دقي عليه...
قولي له اتصلت أسمع صوتك اللي وحشني
وأسأليه عن أخباره...
وقولي له وحشتني موت...
واليوم بدونك يمر علي طويييييييييييل...
وقبل ماتسكرين قولي له حبيبي تغطى زين.. أحلام سعيدة.. وتصبح على خير..
(لا تقولين له يالله وحشتني بس رد لي) لأنك بكذا ترجعين لموضوع الضغط عليه...
ولاتقولين أنحرج لأني ماتعودت.. أو أن هو ماتعودها مني...
حبيبتي... مشوار الألف ميل يبدأ بخطوة وخلي خطوتك عاجلة.. لأنك كل ما أجلتيها بيصعب عليك الأمر...
ولما يرجع أستقبليه بباقة روز أحمر وبالأحضان وقولي له حياتي وحشتني.. عسى الله لا يحرمني منك..
والكلام اللي من هذا...
(وإذا تبغين المزيد منه لا تترددي في الطلب.. أنا على أتم الاستعداد)
أحسن شي فيك إنك معترفة بأخطائك.. جادة في محاولة تغيير ذاتك..
وبنفسك تلاحظين إنه لما يشوف منك معاملة طيبة يشتاق لك ويرد ملهوف..
لكن لما الواحد يطلع من البيت بمشكلة صدقيني ماوده يرجع...