fleur
اشكرك على الرد واعتقد ردي السابق لك ايضا..
لا تتوقفي عن المتابعة

ساره333

ما انكر وهذا اللي معور قلبي ومصعب علي كل شيء

والمصروف ما يكفي شيء عشان اوفر منه
واقري الردود السابقة عن السوق وتعرفين ليش مو عاجبني المصروف...

وهذي اكبر مشكله صديقاتي
ما شاء الله عليكم 3 او 4 من صديقاتي تزوجوا بنفس الفتره وكلنا صريحين مع بعض
صحيح كلهم يمرون بمشاكل بس عاديه مو مأثره على حياتهم
وهذا اللي يخليني مقتنعه ان مو بس انا اللي غلطانه حتى هو...

فعلا وانا سالته مره لو رجعت الايام لورى او لو كنت بنت عمك وكنت تعرف طبعي قبل لا تاخذني
هل كنت بتوافق
رد علي بدون تردد طبعا لاء!!!
بعدها صمت فتره ما تكلمت فيها حس انه جرحني
فرد قال يمكن كنت بحاول اخليج تغييرين صفات فيج....

انتي اكثر وحده حاسه فيني
انا فعلا هالشيء مأثر فيني وسبق وقلت للوالده ان انتوا تقولون عنهم جذي وجذي
وبالاخر تيجون وتنصحون بغير هالكلام
شو هالتناقض انا صرت ما افهمكم؟!!!

اشكرك على الكلام المقنع اللي يدخل العقل بدون اعتراض
فعلا كلامك درر واسلوبك حلو بالمناقشه
احسست به وكأنك عايشتي ما مررت به

فلا تتخلي عني

يمكن غيرتي من امه لانها قدرت تجذب ولدها صوبها وانا لاء؟!!!

ادعي ان الله يهديني ويصبرني ويهدي اعصابي
انا فعلا بديت امل من حياتي ومن نفسي...