اسأل الله العلي القدير لوالدتك الهدايه والصلاح بهذا الموضوع ...
لكن مهما كان ...
ضروري الكل يتكلم معها ويحاول بأي طريقه يقنعها ...
حاولوا توصلون لحل وسط يرضى جميع الأطراف ...
مثلا هي رافضه الزواج بسبب الدراسه ..
اتفقوا على وضع شرط للخاطب ولأختك في عقد الزواج على ضروره اكمال الدراسه مهما كانت الظروف ...
اعرف وحده كذا اشترطوا اهلها عليها الشرط هذا .. وكملت الدراسه وهي ماتحبها بعد اربع سنين بالعذاااااب بس كملتها ...
هذا احد ردودي فيها قصتي بأختصار
والله ترددت كثير قبل مااعلق على الموضوع هذا ...
اولا شكرا لك اختي دودي على الطرح هذا ...
ثانيا . وبأختصار ... احس ان السبب هو في مقوله الشاعر ....
من لم يمت بالسيف مات بغيره .. تعددت الأسباب والموت واحد ....
ولو قسناه وغيرناه شوي على حال المتأخرات في الزواج راح نقول ..
عنست من دراسه و وظيفه و بحثا عن من مايرتاح له النفس والهوى ...كثيره هي الشروط والأسباب ولكن النصيب لم يكتب والعنوسه وااحده ...... <<<والله المفروض يدفعوني غرامه لو افكر بيوم من الأيام اكتب شعر ...
اللي صار معي ... خطبوني كثير كثيركثير .. لما كنت صغيره .. لكن .. امي الله يهديها مااعجبها اي احد منهم ...
حتى كانت تضحك لما يخطبني احد مايعجبها .. تقول لو تجلس بنتي بدون زواج ولا ازوجهم .. او تقول مو معقول اي احد يخطب نزوجه .. او تقول نبغي الأحسن ونبغى نصبر لما يجينا الأحسن ....
واللي خطبوا مثل .. شاب مايقدر يفتح بيت مستقل ولازم يعيش مع اهله كم سنه لما يكون قادر على فتح بيت ...وامي رفضت تبي بيت مسقل (0تبغى لي بيت مستقل يعني ))
وواحد كان ساكن خارج مدينتنا وطبعا رفضت لازم يسكن نفس المدينه ...
وواحد ساكن في نفس مدينتنا لكن هو اصلا مو من اصلننا (( يعني يكون من القصيم او الشمال او غيره وهو لازم يكون من الرياض مثلنا ))
وواحد ملتزم مره وماعنده تلفزيون في بيته (0 يعني شرطه مايكون عنده تلفزيزن في البيت )
ومره خطبني واحد مطلق ورفضت طبعا .. ومر ه متزوج ورفضت ايضا ...
وطبعا فيه كثيييييييييييير اللي رفضوا من غير ماادري ولا صار عندي اي خبر فيه الا بعد ماتزوجوا وصار عندهم اطفال ...
مره قالت لي فلان بن فلان جاء له ولد .. وان الرجل هذا كان خاطبك اول .. قلت ليه ماقلتوا لي او ليه ماافقتوا عليه ... ايش تتوقعون الرد ؟؟؟
وللمعلوميه جمييييييييييييييييع الشروط الأن تلااااشت وكأنها لم تكن ... الا شرط المتزوج والمطلق وقريبا راح يتلاشى مثل غيره ...
واذا اي واحد منكم يقول لي كلميها واقنعيها .... اللي براسها صعب يقنع .... وبعدين كل شي انتهى والشروط مافي شروط ....
وانا وكلت امري لله ثم رفعت يدي من الموضوووووووع نهاااائيا ....كل شي راح وانتهى وماراح ابكي على اللبن المسكوب ...
احس اني محبطه ومتحطمه ومافي فرق عندي بأي شي ... حتى احس اني حتى لو تزوجت ماني واثقه اني راح اتكيف مع الزواج او لا ...
آآآسفه اني ازعجتكم بسالفه طويله لكن والله نفسي نفسي نفسىىىىىى والله من كل قلبي مايصير بأي بنت اللي صار لي ....
الأهل يحسبون انهم متى مابغوا وقرروا ان بنتهم تتزوج خلاص لازم يجي العريس اللي يبغونه بالتفصيل وحسب طلباتهم ...
او تخطب ويكثر خطابها وهي تدرس ...وهذا بعد يدخل ا لثقه الأكبر في بنتهم ويقولوا مافي زواج الا بعد الدراسه ..
يعني بالله على كيفهم ؟؟ العريس بيجلس واقف على الباب لما حضرتها تخلص دراستها ..؟؟ يتزوج ويجيه اطفال وهي درس ....
او يجي في الأول خاطب وهي صغيره ويدخل الثقه القويه بأنفسهم وفي بنتهم انها بيجي احسن واحسن اذا صبروا اكثر ...وبعدها لما يجي اللي يبغون يتفاجأؤن انه يرفض الزواج من بنتهم ليه ؟؟؟ بأختصار صحوا من غفلتهم ولقوا البنت تعدت 25 او 30 !!!!
ويااااااااااارب تفرحيني بزواج اختك قرييييب