اختي بسألك سؤال.. أول ماجتك الرسالة من خطيبك كيف كانت ردة فعلك؟؟ وكيف اقتنعتي بسرعة.. أحس عن طريق النت يبغى لها جراءة قوية جدااا

واختي بقولك شي.. انا عندي اخوان ومتزوجين واعرف تفكير اغلب الرجال عن اللبس والحركات

شوفي اخواني مايحبون البناطيل ولا الطلعات والا الروحات ولا الخدامات.. وقبل الملكة حرص امي تقول لاهل البنت شروطه باللبس ووافقت

كلها شهرين وزوجاتهم بناطيل عادي لكن مثل ماقلتي حسب المكان اهل مثلا- جمعة صديقات يعني موكثير

ويروحون ويجون علما بأن اخواني مايحبون السوق ابدااااا وخدامات وجابو.. ترى الرجال ببداية زواجه يحب يستقوي على زوجته من باب الرجولة

ومن باب اني بربيها.. لكن بعد أشهر وبعد مايتعلق فيها تلقينه يتنازل عن اساسيات عنده صدقيني..

يمكن تقولين الرجال يختلفون صح؟ أوكي انا معك لنفرض ان خطيبك رافض الأشياء هذي كلها... اذا كان فيه ايجابيات كثيرة ارفضه عشان سالفة بنطلون ولا عباية برفعها شبر واحد؟؟ صح ولالا؟ صدقيني ماتسوى

وبالنسبة للإلتزام اغلب شبابنا كذا.. عيب الوحدة تعلي صوتها يسمعونها الرجال << مو للدين بس عيب عشان التقاليد
ماينفع الحرمة تطلع من بيتها دايم << عادات وتقاليد وهكذاااااا

توكلي على ربك ومافيه شي كامل يالغالية الله يهنيك يارب