بسم الله الرحمن الرحيم ..

أختي الحبيبه ربما كنت بمستوى عال من التعليم .. وزوجك كذلك .. لكنكم والله أعلم .. تجهلون أسس التفاهم في الحياه الزوجيه .. بدايه حياتكم هذي غلط في غلط .. كيف تتركين زوجك ثلاث سنوات .. أنا كنت أدرس في الجامعه وانا متزوجه وكلها ثلاث أيام اروحها في كل اسبوع لكني والله ما كنت أرتاح ابدا لهذا الوضع ونفس الشي زوجي كان يتذمر وكنت أحاول بكل الطرق اني اعوضه عن كل دقيقه وكل يوم غبت فيه .. واحسسه بالفرق بين وجودي وغيابي ..
والحمدالله زوجي حتى لو طلع وما سأل عني كنت أحرق تليفونه لين ايرد على مكالماتي واحاول اطرش له مسجات غراميه في فتره غيابه عني مع اني اعرف مكان تواجده بالضبط ..
ويوم يرجع أستقبله بالقبلات والاحضان حتى لو كنت مقهوره من تأخره .. عشان ايحس مره ثانيه ويرجع بوقت ..
وبعدين انتي لاااااااازم تضغطين على نفسج من ناحيه الكلام .. عودي لسانج على الكلام الحلو .. وأبسطها كلمه حبيبي..
وحاولي دايما اتسمعيه كلمه أحبك .. أموت فيك .. فديتك .. بسبب وبدون سبب وهو بعد لازم ايبادلج نفس الكلام ولو ما طلع منه شي اطلبي منه ايقولج اذا هو ايحبج او لا .. واطلبيها بالحرف ...و مع الايام انشاء الله بيتعود لسانج ولسان زوجج على هالكلام .. والله الكلام مفيييييييييد جدا في التعبير عن المشاعر .. لا تهملي هالجانب..

بعدين بخصوص تعرف زوجك على وحده ثانيه .. كان المفروض اتعرفي هالشي من البدايه ..
لانه رد فعل طبيعي عند اي زوج اذا كانت زوجته بعيده عنه انه ايدور على البديل .. وانتي بنفسج لاحظتي انه يصبر على غيابج اكثر منج .. معناتها انه لاقي غيرج .. والله العالم اذا كان يرتاح وياها بالحرام او متزوجنها ..
بس هذا زوجج ولاااااااااااااااااااااااااااااااااااااازم تشلينه من هالوحل ..
واااااجهيه بالحقيقه .. واذا ما قدرتي .. حلفيه وقوليله ايخبرج الحقيقه لانج حاسه بتغيره تجاهجج واحساس الزوجه ما ايخييب .. وقوليله في حد في حياتك غيري .. اتحب غيري ..
ما في زوج واب في هالدنيا يتخلى عن بيته بسهوله .. اتـــأكدي من هالشي ..
وبعدين كلميه بخصوص الاطفال .. لازم ايحسون بوجوده .. لازم يجلس معاهم ويلعب وياهم ويطلعهم ومن هالقبيل ..

بس أمانه عليج لا تسكتين عن وجود غيرج بحياته .. لانه لو كان يسير وياها بالحرام فانتي بتكسبين فيه اجر لانج بتطلعينه من هالغفله .. وحاولي تتقربين من الله وهو وياج .. مثلا يوم بيكون راجع متأخر قوليله قوم توضأ وخلنا انصلي قيام الليل سوا .. أو اجلسي اقرئي قرآن قبل عودته ولما يرجع عطيه المصحف وقوليله أمانه عليك سمعني اشويه قرآن بصوتك .. و حاولي وهو حاط راسه على السرير وبيرقد اتحطين انتي ايدج على راسه وتقرين عليه اشويه آيات كالمعوذات وآيه الكرسي .. عسى تهدأ نفسه ويهديه ربج ..
وصدقيني كلها أيام أو شهور وبتصير حياتكم جنــه باذن الله ..
وأكثري من قراءه سوره البقره في بيتكم ...

وبارك الله لكم في حياتكم وجمع بينكم في الخير انشاء الله ..


والسمـــــوحه طولت عليج ..


أختج بثيـــنه ..