طبعا زي ما قالو الاخوات ضرووووري اخبي المشاكل العائليه وخصوصيات الاهل
اخبي لو كان عندي علاقة قديمه لان الزوج مستحيل يتقبل هالموضوع
زي ما قالت الاخت هايدي اخبي عيوبي وبالذات العيوب الشكليه لاني لو قلتها له او اشتكيت منها امامه هو بيلاحظها ويمكن يدقق فيها بس لو خبيتها وماجبت طاريها احتمال كبير ما ينتبه لها بالمرة
اخبي بعض الاشياء اللي تحصل لي لانه لو درا ممكن تحصل مشكلة من لاشئ
احيانا لو حسيت بفتور منه او حسيت اني متضايقه او مالي خلقه احاول قدر الامكان اني اخبي هالشعور وما ابين له لان البنت تمر بفترات فسيلوجيه وتروح لكن هو لو حس اني مالي خلقه ممكن يقلب ويتضايق ويتأثر بشكل كبير ومايدري انها تحولات هرمونيه عاديه
اخبي عليه مشاعري لو ما كانت ايجابيه واحاول ابين العكس حتى لو اضغط على نفسي
اخبي عليه كلام اهلي عنه لو ذكروه بسوء او شي طبعا بعد ما ادافع عنه واخذ حقه
واخبي عليه كثير من الامور لان الصراحه لها حدود ولو الواحد بيقعد يقول كلشي مارح يستمر في حياة مستقرة