اختي العزيزة
انا توني اليوم سجلت في هالمنتدى و هذا اول شي اكتبه .. فاسمحيلي اكلمج بصراحه و بدون زعل

اول شي .. صح ان هالمنتدى قايم على المواضيع الزوجيه بكل أنواعها ... بس المفروض يكون فيه حدود .. يعني مو كل المشاكل والتفاصيل اللي تصير بين الحرمه وزوجها ممكن تنقال ... بعدين انتي تطلبين راي و حل لمشكلتج وممكن حد من الاعضاء يكون اسلوبه مقنع فتاخذين برايه بدون ما تذكرين ان هذا الراي مهما كان مقنع فهو ياي من شخص ما يعرفج ولا يعرف ريلج فبيكون رده معتمد على افكاره هو و شخصيته هو

اما لو كنتي تبين الراي في موضوعج .. فاكيد ريلج غلطان بس انتي غلطانه اكثر منه

اول شي ... ليش حاطه تلفزيون في غرفة نومج؟؟والاهم ليش القنوات الاباحية؟؟ كان ممكن بسهوله تشفرين هالقنوات او تمسحينها من البداية عشان مايصير اللي صار .. يعني لا تحطين هالقنوات قدام ريلج و تخلينه روحه في الغرفة (وعلى قولتج صارله اسبوع مالمسج) و بعدين تلومينه انه يطالع و تثيره!!

بعدين انتي ماهمج ان ريلج طالع القنوات الاباحيه(بدليل انج قلتي انج يوم دخلتي و شفتيه حاط على هالقنوات خذتي الموضوع بمزح عشان ما ينحرج) .. انتي اللي زعلج انج عرفتي ان هالاشياء اللي كان يطالعها اثارته مع ان هذا شي طبيعي

عزيزتي .. كان المفروض انج تكلمينه في هالموضوع باسلوب هادي و تحسسينه انه ضايقج و انه لو كان يدور عالجنس فانتي عنده بالحلال ... لكن انتي زعلتي و عصبتي وكتبتيله رساله تقوليله ما يلمسج .. فشو الرد اللي كنتي تتريينه؟؟

الاثاره الجنسية موجوده في كل مكان .. واللي يبغي الحرام بيدوره و بيحصله .. فهدي نفسج شوي و تعوذي من الشيطان و اصلحي امورج مع ريلج .. هو يمكن سبب عصبيته الزايده انه اصلا انحرج من الموقف و عشان يفك نفسه حط اللوم عليج انتي ... فانتي هدي السالفه شوي و بعد فتره كلميه في الموضوع بهدوء و حسسيه انج تحتاجين وجوده ومداعباته ..لان الريال بعد فترة من الزواج يبدا يمل من الجماع اليومي ... فحاولي تجددين و تثيرينه عشان مايدور هالشي برا ...

اسمحيلي طولت عليج ولا تزعلين من رايي
الله يوفقج و يصلح حالج مع ريلي