بصى حبيبتى عن تجربه بس انا متزوجه واعتقد انه ما فى فرق.
اولا: ثبتى ميعاد نزع الشعر بعد انتهاء الدوره الشهريه على طول يعنى بس يوقف الدم شيلى الشعر.
ثانيا :اذا كان الشعر طويل حاولى تقصيه بمقص صغير.
ثالثا:استعملى قطعة حلاوه (شيره) من نوع جيد وخليها قطعه صغيره وياريت تكونى استعملتيها على رجلك او اى مكان آخر علشان تبقى طريه شووويه.
رابعا:افردى الحلاوه وانزعى الشعر مره واحده ولا تعيديها على نفس المكان مره تانيه لانها تسبب كدمات فى بعض الاحيان صحيح مش كل كل الشعر هينشال بس علشان انتى آنسه مش لازم التحبيك هههههههههه.
واخيرا بالتدريج ومره بعد مره هتلاقى ان الالم بيقل وساعات بيحدث زى تخدير للمنطقه بعد اول محاوله وممكن تكملى العمليه بالم اقل . وفيه بعض الصديقات بيستعملوا المخدر الرش على المنطقه قبل النزع لكنى بصراحه لم اجرب هذه الطريقه.
ويستحسن بعد ان تغسلى المنطقه من الحلاوه ترشى بودرة تلك لتهدأة المنطقه لانها تكون شويه ملتهبه .اتمنى ان كلامى ده يساعدك والله يعينك.