وعليكم السلام ورحمة الله وبركاته
ابغى اقول لك شئ يا ام خليفة الصراحه شئ مهم جدا بين الزوجين حتى لو كانت تزعل شوي. كلامك فيه شوية قسوه على خطيبك و وصفتيه بأنه كذاب مع إنه اكيد يحبك وما يبغى يخسرك حكاية التدخين هذي حكايه انا عمري اللحين 23 وشوي، وطول عمري اكره الدخان والمدخنين مع انو ابوي واصحابي أغلبهم مدخنين وفي الفتره الأخيره كنت اجرب الدخان مع الشباب وقت الجلسات وبعد الغداء او بعد العشاء فقط لكن تحديدا اول يوم في ملكتي اعلنت التدخين وأشتريت اول بكت لأنو من اول يوم في ملكتي قبل حوالي 5 شهور واجهة مشاكل عائلية بشكل فضيع فكانت صدمه لي وانا عارف هذا مو عذر بس هذا اللي صار بس بصراحة كلمت زوجتي وقلتلها هذا اللي صار فوعدتها اني امنعه لكن من اول مشكلة تواجهني كنت اول شئ افكر فيه الدخان علشان احرق نفسي بس كنت اوقات اقول لها واوقات ماكنت اقولها علشان ما اجرحها مع اني احبها واموت في الهواء اللي تتنفسه فهي الآن بتحاول معي بس بطريقه لطيفه تقول لي علشان صحتك ومو لايق عليك تمسك سجارة انت اكبر من كذا والحمد لله اللحين مبطل بس انشاء الله ماتوجهني مشكلة وارجع له .
فأقترح عليكي اختي انك تحاولي تنصحيه وتكرهي في الدخان بطريقه حلوة بس لا تربطي النتيجة بأي شي في علاقتكم لأنو بصراحه الدخان مو ذاك الشئ اللي يخلي اثنين يحبوا بعض انهم ينفصلوا. والله يصلحه ويصلحنا ويهدينا جميعا الى حياة سعيدة.