بوهيميا
ولا يهمج انا بأعطيج حل بينفعج طول عمرج وجودته افضل مما تتوقعين بكثير
شوفي انا كنت في المانيا رحت انا وأمي كنت اوديها اعالجها ركبتها كانت تعورها الظاهر انها تعورت وهي تلعب كورة مع العيال هي على فكرة راس حربة وهديفة ولا رونالدو.........
لا بس بصراحه هي مرة طاحت من الدرج , المهم وديتها المانيا اعالجها وتعالجت بحمدلله
بس ابغي اقولج شيء يمكن يستغربون منه كل اللي يقرون اللي اكتبه لكم الا وهو :
اللي كان يعالج امي دكتور الماني مسلم غير اسمه وسمى نفسه محمد كان اسمه ( اولفر ) قالي انتوا
يا أهل الخليج ناس ماتعرفون قيمة الخير اللي انتوا فيه انا قلت يمكن انه يحسدنا على البترول
قالي انتوا اكثر ناس تعالجون من العظام وبالأخص النساء الحوامل بعد الحمله الرابعه ولا الخامسه
مع انه العلاج عندكم . انا سألته وين العلاج ؟
قالي بالحرف الواحد لو تدرون بقيمة حليب الجمل اي ( المطية ) كان كل واحد منكم باع سيارته
واشترى له مطية بس يشرب من حليبها قالي انا عن نفسي الف العالم اعالج الناس ولازم في كل سفرة
اسافرها الخليج اجيب حليب حق مرتي وعيالي يشربون منه , وقالي فيه فايدة لو تشرب منه المرأة
بأستمراركان ماجات تشتكي من عظامها ابدا ً ولا صار فيها ضعف في العظام من كثرة الحمل .
فسبحان الله . الله قالها :
((( فلينظروا الى الأبل كيف خلقت )))
تحياتي لكم
ابو السنونو