شيطون

السلام عليكم اخوي
اسمحلي ارد عليك باطاله
لان تعليك نوعا ما جارح
بالنسبه للمرأه اللي اتطلع اسرار الفراش ويا زوجها هذي ملعونه واللعن هو طرد من رحمه الله
وانا ماتكلمت باسرار فراشي ( وسمحولي جان كلامي وصل لمرحله الوقاحه) انا عرضت المشكله علشان ابي حل
انا اهلي وخواتي عمري ماتكلمت علي هالمواضيع معاهم لانه مايجوز بالشرع وحرام ، بس بالنت انت ماتعرفني ولاتعرف زوجي وانتو بديره وانا بديره يعني محافظه علي حرمه و سريه بيتي الحمدالله لي الحين .
ثاني شغله بالنسبه لكلامك واسمحلي انقله

"وعموما اللي استنتجته انها تقنع زوجها انه يروح لطبيب لانه مش مرض خطير ينخاف منه واقول لها بعد احمدي ربج انج ما طحتي في واحد فحل لكن يهينج كل يوم على الطالعه والنازله وبعد احمدي ربج انه يسهر عندج عالبلاي ستيشن مو مع ربعه في الديوانيه وسفرات برع ترى غيرج من الحريم تتمنى ريلها في البيت يقعد ولا 24 ساعه بره البيت المهم يجلس ومو لازم الجنس 24 ساعه"
انت شايف ان الريال لي صار حجر مع مرته هذا مو خطير؟؟؟
واللي يهين مرته بالطالعه والنازله يعتبر فحل؟ اصلا اصلح معلومتك مايعتبر ريال الرجوله مو جذي
وليش لازم اطيح بواحد حجر او واحد يسافر ودواووين !!! ليش تلومني لي صرت اطمح لزوج رومانسي طبيعي تراني مو طالبه واحد مولع شموع اربعه وعشرين ساعه ويقول قصايد انا طالبه واحد طبيعي ومحد قال انه يبي جنس اربعه وعشرين ساعه مثل ماتفضلت احنا مو حيوانات علشان مانفكر الا بهالموضوع اسمحلي اخوي
انا اطلب رومانسيه بالتصرفات اولا ثانيا تعديل العلاقه الزوجيه وارفض اقول جنس مثل ماقلت لان الجنس بدون شاعر بينما كلمه علاقه زوجيه فيها معاني ساميه كثيره الجنس جزء منها وليس كلها انت تقدر تعيش مع انسان جاف يحبك لكن ممنوع كلمه حب عليك ويراها مالها داعي؟ يرفض انك تتقرب منه حتا ابوسه لانه لاهي يلعب بلاي ستيشن !!!
الهدف من الزواج هو السكن والموده ولاتلومني لي طلب حقي بالموده !!!!