أصدقائي الكرام
عايز أذكر لكم شئ مهم جداً بالنسبة لي مش عارف راح عن بالي إزاي وأنا بحكي لكم
والد خطيبتي .. الله يهديه .. شال التليفون من شقته وأنزله إلي جوار تليفون المحل التجاري الخاص به وده قبل ما أعرف خطيبتي وقبل ارتباطي بها ولما بكلمها بتكلم عند شقة عمها بالدور اللي تحتهم وبتكون خطيبتيمحرجة جدا في الكلام في التليفون معايا عندهم ومبتعرفش ترد على كلامي وإجابتها وردها بيكون مختصرجدا .. وفي بعض الأحيان بتحرجني وتقصر الكلام عشان أخلص واقفل التليفون

وده خلاني منذ فترة طويلة لا أتصل كثيرا بها عند عمها .. وكثيرا ما طلبت أنا وأسرتي من والدها إنه يطلع التليفون .. فيوعدنا بذلك ثم يخلف وعده وذلك من أول الفاتحة وبعد الخطوبة كمان ..

معنى ذلك إنني لا أرى خطيبتي من الجمعة إلى الجمعة ولا أسمع صوتها ........!

وده بصراحة شئ يخنق .. الفترة دي المفروض أحلى فترة في حياتنا .. لكن يظهر إنها بقت أحزن فترة

حتى هي كمان كانت الأول بتتصل بيا من محل والدها تحت على الجوال .. وساعات كمان من خارج البيت ساعة ما بتكون في الكلية
لكن كل ده اتغير وبقت بتتصل بيا بس لما بيكون فيه سبب

أعمل إيه بقى ؟؟؟؟؟

كل ده أتحمله .. برغم كل هذه الظروف .. ما رأيكم ؟؟

أنا لعلمكم مستني أنها تتصل عشان أحكيلها اللي حصل في محل والدها وعشان أقولها إنها غلطت في حقي وفي حق كرامتي
ونويت كمان إني لا أذهب إليها كمان الجمعة الجاية .. ولو والدها اتصل لازم أعرفه إنهم بكده جرحوا مشاعري وكرامتي وحسسوني إني قليل الذوق ولا أفهم في الأصول .. وه غير إنه لازم يعرف إني مينفعش آجي عندهم وأنا حاسس إن زيارتي بقت تقيلة على قلبهم و غير مرغوب فيّ

وللعلم . جلوسي من 6 إلى 10 ده كان متفق عليه من زمان .. يعني مفيش حاجة جديدة

__________________