تصدقون !!
انا احيانا زوجي يسوي نفس الحركات !!!
يعني اتفاجا وانا اتكلم بالتلفون انه واقف وراي وانا ماحسيت فيه !!
ولمن انتبه له اقوله خرعتني متى جيت !!!
ويا ما صرخت من الخوف لمن اتفاجئ بوجوده وراي في الوقت اللي اكون فيه بروحي مثلا في المطبخ
يعني التفت اتفاجا بوجوده !!! بجد شي يخوف !! وردة فعله انه يضحك من خوفي
ودايم اقوله سلم عاد !!! ليش تدخل علي وانت ساكت !!! تراك خوفتني !!
كنت احسبها مزح منه !! بس دايم يتكرر !
واعيالي اكثر من مره قالوا لي يمه ترى ابوي كان واقف من مده قبل ينزل تحت
وكان يسمع كلامك ( سواء كنت اتكلم في التلفون او كان عندي حد ) !!!
وكان من مده ولسنوات يرن تلفون البيت فارد عليه ويكون شخص غريب ماعرف صوته
ويسالني عن فلان فارد عليه واقوله انت غلطان واسكر وعلى هالحاله
وعلى نياتي اقول لزوجي واوقات كثيره انسى وماقوله
بس من تكرار الاتصال ولسنوات وبين مده ومده يعني مرات شهور ومرات سنه يجي هالاتصال
بديت اشك !!! الصوت مر علي من قبل !!!
ودق التلفون مره وكلمني وسالني فلان موجود قلته مين يتكلم ؟؟ ( كنت ابيه يعيد السؤال واركز بصوته اكثر )
قالي فلان وسالته اسمه بالكامل فالف لي اسم !!
المهم انا عرفت منو صاحب الصوت !!!
طلع زووووووووووجي !!!!!!!!!!!!!
قلت له من باب المزاح فلان اللي تبيه مو موجود بس فلان (وذكرت اسم زوجي) موجود تبيه !!!
فضحك من كل قلبه وعرف اني عرفته !!!
بس قلت له لاعاد تسويها مره ثانيه !!!
بس عادها وعرفته وقلت له ترى لو اتصل غيرك وكان غلطان فعلاً بحسب انه انت بالغلط
وبسولف واياه ترى يمكن تصير وانت السبب !!!
ولمن قلت له هالكلام قالي لا .... لا تسوينها وماراح اتصل خلاص واي حد يتصل تاكدي مو انا !!
ومن بعدها الحمدلله خلاص ماعاد يعيدها بعد ماكان مستمر فيها لسنوات !!
بس سالفة التجسس انا ماعرت الموضوع اي اهتمام بس عيالي دايما يستغربون !!
ومن كلامهم بديت اقول ليش يسوي هالحركات وطبعا انا متزوجه من 15 سنه
بس فعلا مادري ليش هالحركات !!!
بس قولي لصديقتك عادي لا تهتم ولو ضايقها تصارحه مثل ماقال الاخ الفاضل النور والحنان
وانا لو حسيت بمضايقه بعد ر اح اقوله بس من باب المزح حتى مااحرجه
وان شاء الله نسمع ردود الباقي نعرف وشو سالفة تجسس الازواج على الزوجات !
رغم اني انا عمررررررررررررري ماتجسست على زوجي ولاسالته من تكلم ولازلت واثقه فيه ولا راح اتجسس
بس مادري شسالفة هالحركات !!!
بانتظار ردود الباقي لمعرفة آرائهم
وتمنياتي بالتوفيق للجميع ولصاحبة المشكله وكاتبتها
اختكم صريحه جداً
__________________
.................. رفقاً بالقوارير .....................