عدنا مرة اخرى ..

والله موضوعك غريب شوي عشان كذا سويت بحث عن مشاركاتك ولقيت عجب عجاب اول شي اقتبست من كلامك عدة مقتطفات من كذا موضوع لك ..

(( بالنسبة للي طلبوا مني انفصل عنه .. انا ما وافقت عليه الا بعد الاستخارة أكثر من مره وكمان الاستشارة

استشرت الشيخ المنجد واستشرت ابوي واخواني وانطباعهم عنه .. الكل يمدحه ومرتاح له ولاهله

غير ان موافقتي كانت بناء على قول الرسول صلى الله عليه وسلم:" من ترضون دينه وخلقه فزوجوه إلا تفعلوه تكن فتنة .... " الحديث

علشان كذا عارفه ان ربي ما راح يضيّعني )))

يعني انتي استخرت من هو افضل واكبر من الناس قبل هذا الزواج وتيسر لك الزواج لماذا تريدين الانفصال الان؟؟؟



(( زوجك كفيف البصر و غير موظف ...))

طالما انك قبلتي الزواج به واعجبتي في شخصيته القوية واللي ما اثرت عليه .. المفروض انك تراعي انه يفتقد البصيرة ويحتاج الحنان والتعويض منك .. وشي طبيعي انه يخاف يطلقك لأنه اكيد كان اسعد لحظة بحياته يوم وافقت تتزوجيه .. يمكن هو لما عصب على والدك كان يتبع اسلوب الهجوم عشان يدافع عن وجودك معه ..

(( ولو سألتوني وش مصبرك؟؟ .. راح اقول:

1) مابي اضيق خاطر ابوي اللي فررررررح كثير بزواجي.
2) الفرحة اللي اشوفها في عيون ابوه وامه والله مابي اكسر خاطرهم.
3) معاملة ابوه وامه وخواته لي معاملة البنت لهم .. وصعب جدا القى ناس في مثل طيبتهم وتقديرهم لي.
4) على قولة خواتي مو كل يوم لك رجل .. لازم تصبرين على علاته .. خاصة ان عمري 28 سنة مو صغيره.
5) صعوبة الحمل بعد الثلاثين .. يعني لازم اتلاحق عمري .. اهم شي في الدنيا الذرية الصالحة. )))


انتي جبتيها ابوكي واهله وصعوبة الزواج خصوصا للمطلقة الان .. غير كذا هو يناديكي لما تنظفي ويقول تعالي اجلسي معي .. ليش عشان يستأنس بوجودك معه يستوحش انه يجلس لحاله .. اقلبي الطاولة .. يعني قولي تبيني اجلس معاك اشتقت لي يا بعد عمري .. حاولي انك تفهميه وتحتويه .. وبعدين اول سنة زواج هي اصعب سنة .. انتي تربيتي غير وهو تربى غير والسنة الاولى من الزواج اثنينكم يتعرف على الثاني ..

وبلاش دلع وحركات البنات ولا تخلوني لحالي والله انك طيبة ولزيزة اتخيلتك لما تتصلي في اختك .. يا بت استمتعي بكل لحظة بزواجك .. عيشي حياتك .. حبيه .. والله شكله انسان طيب حاولي تشغليه .. اتسامري معه اتكيفي مع طبعه حسسيه انك مهتمة فيه .. وانك تحبي كل شي يحبه ..

الله يؤلف بين قلبيكم يارب .. ترى مو بسهولة تلاقي واحد يحبك .. اشتريه رح يشتري لك الدنيا ..

الله يسعدك حاولي انك تفكري مليون مرة .. والله يا اختي الكريمة انا حاسة ان عندك ردة فعل وحلقة مفقودة ... زوجك انسان طيب كفيف لكن ربي حباه بمواصفات حلوة ومنها قوة شخصيته ..
واهمها طبعا .. انه إن شاء الله اختار زوجة صالحة مثلك ..

ترك البنات واختارك انتي ...

ليش تتركيه ؟

__________________
-قاطع المنتجات الدنماركية والصحف التي تنشر دعايتهم ..
-ادعي على اعداء الاسلام والمستهزأين ..
- لابد ان نرفع قضية ليحاكم رئيس الوزراء - الملكة - الصحيفة ..
-لابد أن ينشر في نفس الصحيفة سيرة الرسول صلى الله عليه وسلم ..
-أن يفرد التلفاز الدنماركي برامج عن الرسول صلى الله عليه وسلم..
-والى متى يا امة المليار .. يارب متى نصر الله يارب احرقهم كما حرقوا قلوبنا على رسولنا وديننا