ثم ان والدك له حق ان يفرح فيك .. ما اتخيل ان تجيني بنت ابي ازوجها واسويلها حفله وافرح فيها يقول زوجها مابيكم تفرحون فيها

من حق الاب ان يعزم كل اصدقاءه مو بكيف زوجك يقرر يبي حفله عائليه .. اذا مايبي خل يعزم اهله المقربين بس وانتو عزموا الي تبون ماله حق يمنعكم

ثم الصراحه واسمحيلي يا اختي خطيبك تصرفاته مثل الاطفال بدال لا يشجعك على طاعت والدك ايخيرك بينهم ؟؟؟؟؟ مافيها اختيار خليه يعرف حدوده ولو هو صاج ويبيك راح يوافق على طلب والدك

حد يمنع رجل ان يفرح ابنته ؟ ولا ينسى خطيبك ان هو بعمر ابن ابوك يعني جاي يفرض رايه عليه ويخير بنته بينه وبين ابوها ؟؟؟ شنو هالتصرفت ؟؟؟ لاتكوني ضعيفة الشخصيه امامه مفروض لما يخيرك توقفينه عند حده انه مو موضع اختيار اصلن .. يعني لو المسأله بين امك وابوك كان قلنا موضوع يستحق التفكير

ليه مايحترم ابوك ؟ وخياره لك بينهم هو تحريض على ابوك

نصيحه اختي لوجه الله وسامحيني على قساوتي بالكلام اذا ماقدرتي توقفينه عند حده من البدايه واذا هو مو عارف الاصول وعارف كيف يحترم رجل بعمر ابوه ويحترم قراراتك وقرارات اهلك الله يعوضك عنه برجل افضل
منه

يعني انتو ماتزوجتو ليلحين وابوك يهدد ان يردله المهر وهو يخيرك بينه وبين ابوك ؟؟؟ شالعيشه اولها جذي ؟