بانتظار التفعيل عن طريق الايميل
تاريخ التسجيل: Nov 2005
المشاركات: 110
الأخت صريحة جدا ..
أولا شكرا عى ردودك واهتمامك ..
علقتي على زعلها من نومي في غرفة نوم بقولك:
طيب شتفسر كلامها ؟؟
وشتفسر زعلها من تصرفك ؟؟
شمعنى لمن تقولك ماتعرف شي اسمه غرفة نوم !!!
معقوله ماعرفت ؟؟؟
معناته تحبك وتبيك قريب منها !!
لو ماتحبك او تكرهك ماهتمت !!! تنام وين ماتنام !!مو تزعل لانك مانمت بغرفة النوم ؟؟
يعني المفروض ماتزعل وتفرح انك تهمها !!
يا أخت صريحة جدا .. اللي أعرفه أنه فيه طرق وأساليب أخرى للتعبير عن الحب وبعدين أنا موجود وسط البيت ما نمت برى وتمد بوزها شبرين .. ايه معاك أنه حب ولكن من نوع اخر الا وهو حب التملك .. هي ما أمتلكتني أنام متى مابغت وتحاسبني يوم تروح علي نومه في صالة ولا مطبخ ولا أي مكان. يعني لكل شخص رأيه في هالموضوع وأنا أحترم رأيك الا أنني بهذه الطريقة حتى لو قلنا أنه بدافع حب منها فأنها تحسسني أني في سجن مالي حرية حتى في بيتي!
وفي سالفة الأكل وتصرفها .. تقولين:
عاادي تصرفها يصير ويمكن هي حساسه شوي
صدقني تصير في كل بيت
وبصراحه المفروض تضحك من كلامها وتبين لها انك تضحك وتلح عليها انها تاكل وتقولها ترى والله ماامد يدي على الاكل لو ماكلتي
خليك رومنسي شوي ترى الحريم كلمه تجيبهم وكلمه توديهم
طيب شرأيك أني أول مرة قمت الى مكان جلستها ومعي في معلقة شوية أكل وأقولها لازم تأكلين أقل شيء هذي ولا ما راح أكل .. الا يوم أوصل لها تدفع المعلقة وانتشر الأكل على الأرض .. تقول: لا حول ولا قوة الا بالله والله ما نظفته أنت السبب نظفه أنت؟؟
أما بخصوص قصة التلفزيون .. ففيه شيء أسمه أحترام الاخر مو تجي تقضب الريموت وتقلب من غير حتى أستئذان وبعدين لو مشينا سالفة الأستئذان ... فيه أسلوب في الكلام يعني المفروض الشخص ينتقي ألفاظه .. كل ما قهرني في المسألة أنها أتهمتني بالأنانية لأنه طريقتها في أخذ الريموت ما كان فيها أي تقدير لي ..
أنا عن نفسي يوم أدخل البيت وهي تناظر التلفزيون وأبغي أقلب القناة أسألها: متابعة هالقناة .. وبعدين: أقلب في القنوات.
وحدة يوم أقولها والله العمل والدراسة مع بعض تعب وأشتكي لها أن علي أشياء كثيرة لازم تخلص مثلا خلال شهر ..
تقولي أجل بطل دراسة انت عمرك 29 وتدرس والله لو أنا منك أستحي كفاية عليك الماجستير وعندك وظيفة شتبي في الدراسة!
يعني أنا أبغيها تشاركني همومي وتوفر لي جو أقدر أركز فيه وتخفف شوي من نكدها .. فبدل ما تدفعني للأمام تزيد همومي هموم.
عالعموم .. مثل ما قلت هذي توافه أمور ولكن والله أنها كثيرة وأنا ما قلتها الا من باب الذكرى لا الشكوى وأقسم بالله يوم أتذكرها ما عرف أضحك ولا أبكي من سخافتها.. بالطبع لها تأثير في حياتي!
ما أشتكي من هالأشياء أنا أشتكي من تدخلات أم زوجتي أما زوجتي فهين كنت على أستعداد أتحملها لكن مثل مايقول المثل رضينا بالهم والهم مارضي فينا.