اختي الكريمه
راح انصحك واتمنى انك فعلا تسوين اللي انصحك فيه
اولا
اذا كلمك صديقك هذا قولي له وش ابشرك فيه
وقولي له انك تطلقتي من زوجك (لاسمح الله) وهذا كله لعيونك ياحبيبي
ياله متى تجي عندنا وتخطبني من اهلي ونكون سوا للعمر كله
ماني قادره على فراقك وابيك زوجي لي --- ابي اكون في قربك وحضنك العمر كله
وكوني جديه بالامر ولا تبينين انك كاذبه بالامر او مازلتي على ذمه زوجك
وشوفي رده فعله
اول شي راح يحاول يتعذر باشكال كثيره وانه لسى مو وقتها اول ابي اشوفك واجلس معك من هالكلام
بس انتي قولي لا شوفه او جلسه مافيه لين تجي وتتقدم لي وتخطبني رسمي
وشوفي رده فعله
صدقيني هو اللي راح يبتعد عنك شوي شوي ويكرهك
ويمكن يقول لك كلام جارح وانه مايشرفه يرتبط بوحده باعت وخانت زوجها لانه في يوم من الايام راح تخونينه
وراح يسمعك كلام قذر .................................
تدرين ليه
لانه مايحبك اصلا
بس هو لانك متزوجه ................................
ويبي يستمتع معك جنسيا وبس لاسيما انك .......... متزوجه يعني ماراح يخاف من حمل او خرابيط
اذا حملتي فانتي عندك زوج مو مثل البنت البكر فضيحتها بجلاجل
كل مراده هو انه يعبث بشرفك وعرضك
يشبع رغباته الجنسيه وبس
ولما يشبع منك ويملك
راح يبحث عن غيرك لانه خلاص مافيه شي يجذبه لك
كل شي منك اخذه وش بقى يرجي منك
وراح يدور على ضحيه ثانيه
وهكذا
اختي توبتك لم تكتمل بشروطها
انتي ماندمتي فعلا لما تبتي والدليل انك ترجعين من وقت للثاني له
اجل وين الندم ونتي رايحه راجعه عليه
الله يمسح طاريه من قلبك ويحبب زوجك الى قلبك بدلا منه
تدرين انه زوجك قمه في التعامل معك
والا والله لو واحد ثاني كان طلقك وفضحك حتى عند اهلك وعزر فيك
انتبهي قبل ان تخسري
وهذا الصديق الحقير انتبهي منه ومن شهواته الجنسيه
ولاتكونين احد ضحايا البلوتوث والافلام المصوره وانتي معه
من يدري قد يصورك وانتي عاريه معه لكي يهينك بها ويفضحك ويجبرك على الاستمرار معه بالغصب
وقتها ماتقدرين ترجعين للوراء وراح تتمنين الانتحار
انتبهي وفقك الله
اكثري من الصلاه وكل مايجي طاريه عليك
روحي واشغلي نفسك بشي الين تنسينه
غيري رقمك وانسي رقمه
ولاتحاولين تدخلين التشات مره اخرى
ويفضل انك تمسحين مسنجره وانك تغيرين مسنجرك
والافضل انك تنسين شي اسمه انترنت
وتركزين على بيتك وزوجك ومصلحتك
بارك الله فيك وهداك الى مايحب ويرضى