منتدى عالم الأسرة والمجتمع - عرض مشاركة واحدة

18-11-2005, 11:49 AM

#15

مستحية !

عضو جديد

تاريخ التسجيل: Jul 2005

المشاركات: 48

السلام عليكم ..عزيزتي ...

اللي حصل بينكم شي عادي ومتوقع لأن مشاعر العرسان بهالفترة تكون جياشة ..
خاصة اذا حبو بعض وتفاهمو ..
طبيعي يطلب منك بوسة ..
انا انصحك تتصرفين بسجيتك ...
وما توصلون للعميق ابد ..
يعني شلون ضمك ؟؟
المفروض الأهل ما يقفلون عليكم باب واحد عشان ما يصير تماس كهرباائي على قولة أمي الله يحفظها

بالنسبة للقبلات ..
اشوف انها حلوة اذا سلم عليك ..
قبلة عادية كنك تسلمين على صديقتك ..
هو مو حلو يحس انك باردة ..
فلو طلب منك قبلة ..
انتي ممكن تبوسين يده ..
و ممكن تقولين له كلام حلو ..
مثلا زي لا تستعجل على رزقك انت اصبر لين ما نعرس

خلي يحس انك تحبينه ،، ومجهزتله مفاجآت حلوة .. وناوية تدلعينه ..
استخدمي سياسة الشد واللين ..
اذا ارخى شدي ..
اذا شد ارخي ..
مو حلو تجربون كل شي بهالفترة ابد ..
هالحين ابنو علاقة عاااطفية ...
امسكو يدين بعض ...
امشو جنب بعض ..
اجلسو جنب بعض ..
ناظروا في بعض كثير ..
بس أحضان ما انصح فيها ابد ..
ولا قبلات الوجه ...
لانها اذا وصلت لهنا بتوصل للي بعدها ..
وهالشي بيدك انتي وبس ...
لا تسمحون لأنفسكم تتمادون وبس .........
وتقدرين توضحين له هالشي بأسلوبك ..
ما يعوقك شي بالكلام الحلو ان شا الله : )...
هو اذا يحبك راح يحترم رغبتك ..

وعفوا اخوي /فتى دبي ..
من قالك تصير من الملعونات معروفة فترة الملكة ما هي زواج كامل ..
لا هو يصرف عليها وماخذة كل حقوقها ..
ولا هو يملكها تملك تاام وماخذ كل حقوقه ...
هي فترة تعارف وتآلف واستعداد للحياة القادمة بس : )...

الله يوفقكم كلكم يااااااااااااااااااارب ويسعدكم جميع ...
ويسهل أمورنا جميع ..
ويكتبلنا الخير والبركة ...