علاقات الإنترنت ما جابت غير وجع الراس ..

يا كاراميلا 77 ، اللي بحب شخص تاني ، بدو يعيش معو لحظات حياتو بقساوتها وحلاوتها ، بدو يشم الهوا اللي عم يتنفسو سوا ، أي تنين بيحبو بعض بدون يحسو بدقات قلب بعض ، بدون يعيشو مشاكل بعض ، بدون يحسو بالشمس وحدة تطلع عليهون سوا ..

هل بعلاقتك هي فيها الشروط اللي ممكن نحكم عليها إنها علاقة صحيحة مو علاقة تلفون ؟؟

خليني قلك شي صغير عن حالي ، أنا مريت بنفس تجربتك بحذافيرها ، علاقة استمرت 3 سنين ، بس بعدين شو اللي صار ؟؟ اللي صار إنو الواحد عقلو كبر وصار يفكر لبعيد ، يوم عم بقرا اللي صاير معك عم شوف حالي بالمراية ، بس الحمد لله ، وبقوة من الله خلاني إنسى اللي كنت مفكر حالي إني بحبها.

عم بنقلك تجربتي لتشوفي إنو اللي عم يصير معك مو حب ، خلينا نقول شغف أو تعود ، الحب كلمة أكبر من هيك بكتير .. هلأ علاقتكون خلينا نقول 80 بالمية منها عل التلفون ، فهل إنتي من النوع اللي بيرضى بهيك علاقة ؟؟ والجواب بيرجعلك ..

ما بقول غير الله يوفقك ويخفف عنك. وتذكري إنو الدنيا قاسية ، الصعيف ماإلو مكان فيها ..