انا قلت رايي بكل صراحه وتخيلت نفسي في الموقف كنت اقدر اقول مثل الكلام اللي قلتوه
بس ماحبيت اكون مثاليه واقول بصبر واتحمل ومثل هالكلام ............
انا قلت بعيش الواقع واتخيله وبعيش الدور وتخيلت معاه ردة فعل زوجي في كل الحالات وبعدين شفت فيها ردي وش بيكون
وماحبيت اكذب على نفسي وعلى الرجال وبكل صراحه بقول شي يمكن الرجال اول مره يعارفونه
وهي أن أغلب الحريم ( مو كلهم ) عندها يموت زوجها او يصاب بعاهه تمنعه من القدره الجنسيه
ويصير عاجز جنسيا ولا انه يتزوج عليها !!!
لكن انا ماعندي مانع يتزوج علي وانا مخيره يا اوافق يا اخلعه ... راجع لي ..!
بس مابيه لا يموت ولا يصاب بعجز ولا يصيبه أي شي ابيه سليم ومعافى ....
وعندي انه يتزوج ثانيه ويظل يشبع غريزتي ولا انه يصيبه عجز !!
وطبعا لو صابه وانا كبيره أواتحمل او خلاص مافيني رغبه ماعندي مانع
بس اكون توني شابه وبحاجه للمتعه صعبه والله بالنسبه لي ( مادري عن باقي الحريم ) !!
ومو معناته ان المساله عندي جنس ولا هي شغلي الشاغل لكن مابي الحرمان !!
وبصراحه المعاشره بالنسبه لي مع زوجي تكون مره كل اسبوع واحيانا اكثر من اسبوع
يعاشرني ويشبع رغبتي واقول نعمه بالنسبه لي لانها جتني بوقت انا بحاجتها
و انا ماطلب كل يوم ولا شكيت من النقص !
بس اني انحرم منها نهائيا لا ............!! حرام وصعبه علي !!!!!
وما اقدر اقول بصبر !! المساله مو شهرين بصبر والا سنه وبعدين بموت او بتقوم الساعه !!
المساله سنين طويله !! وانا ماقدر اصبر!
وبعدين كان ممكن من البدايه اقول بطلب الطلاق للضرر والمحكمه بتوافق علي
بس ماتركب مو حلوه والزوج توه مصدوم بعجزه بس لمن الحرمه تنكد على زوجها
( طبعا المقصود الزوج اللي يعتقد ان الحرمه لازم تصبر ومو مقدر الرغبه اللي عند زوجته )
فهي لمن تنكد على زوجها واطفشه وقتها لو طلبت الطلاق مارح يتحسر عليها
ولا يندم عليها بعد اللي سوته يعني بيكون ضميره مرتاح اقل شي بيقول مافيها خير
ومابينت فيها العشره ولا بيتحسر عليها وخاصه اذا ماكن يتفهم طبيعة وحاجة المراه لاشباع رغبتها...
وبصراحه ليش محتجين على كلامي احنا الواحده فينا اذا تاخرت في الحمل صار شغلها موضوع الحمل
وصارت تنظر للحريم الحوامل بنظرة غبطه وحزن وتتمنى لو كانت مثلهم وينعكس حزنها على حياتها الزوجيه
ونفس الشي اللي ماتزوجت واللي زوجها مو مشبعها جنسيا تظل تحس بالحزن والحرمان ويبين عليها
ومهما صبرت بيجي يوم ولو بالغلط وبتلمح بانه مقصر معاها !!
ولو كان العكس بكل صراحه الزوج بيكلم زوجته وبيقولها انا رجال وعندي رغبه وانتي مصابه بعجز
تبيني اروح للحرام بيقولها كاش بدون مقدمات ومن حقه وماينلام
وانا عني بقوله تزوج من حقك ان صبرت علي فاجرك من الله وانطلبت قررت تتزوج من حقك
والله يصبري وياجرني على مصيبتي اما هو جزاه الله خير وكثر الله خيره اللي مخليني على ذمته
ومثل ماانا مارضى لنفسي اكيد ماراح ارضى على زوجي والحق حق .... !
و باختصار الشي اللي محرومين منه ياثر علينا ونظل نفكر فيه الا اذا حسينا بالامان وبالعوض من الحرمان
بشي ثاني من عاطفه وحب وحنان وكلمه حلوه والحرمه مايوديها ولا يجيبها الا الكلمه الحلوه
والحكمه تقول (( الطيب غلب الطبيب ))!!
واسمحووووووووولي على صراحتي .