الله يكون في عونك.. اختي..
معليش على الكلام اللي جاك.. لانا ما نبغى الا مصلحتك واحنا نعرف عن كثير من حركات شباب النت وبلاويهم فخايفين عليك لا اكثر ولا اقل فلا تزعلين اختي على هالكلام وهم والله يبغون مصلحتك..
على العموم كون العلاقة الآن شبه مقطوعة فهو وضع آمن..
بس كمعليش اختي بصراحة ولا تزعلين لو تخيلتي انه الله لا يقدر يعني صارت القضية اللي بشهر 11 مو من صالح علاقتكم وش بيكون موقفك؟
يعني بتقطعين العلاقة؟! او اذا انقطعت غصب بنتسينه بسهوله؟!
فكري في السؤال....... بيساعدك على فهم موقنا وكيف ان تحريك العاطفة قبل الارتباط مو في صالح المراة غالبا

الشي الثاني مسألة انه تختبرينه وتتاكدي من انه ما راح يخون وووو واعذريني وما ابغى اجرحك او اضيق صدرك زيادة بس بصراحة اي طريقة ما راح تكون صحيحة ومهما طبقتي ولقيتي ما راح تكون أكيدة لأن الشي هذا ما يبين الا مع العشرة..
ياما رجال رائعين وملائكة ورغم ذلك صاروا شياطين قبل الزواج وهم متزوجين بطريقة تقليدية وآلاف بعد طلعوا خائنين وشياطين وهم متعرفين على بعض قبل الزواج.. يا اختي الزواج قسمة ونصيب وما احد يجزم بشيء في المستقبل..
فإذا عزمت على الزواج بعد شهر 11 فانسي تماما حياتك الاولية وابدي حياة جديدة تماما..
وحسن تعاملك مع زوجك وخوفك من الله فيه هو اللي راح يكون سبب سعادتك ولا شيء غيره..
فانت لا تشغلين تفكيرك هل بيطلع زي الاول والا لا... لان تعامل الرجل مع زوجته مافيه أحد يقدر يحددها او يجسها..
وكونه سبق له الزواج ايضا مو دليل فيمكن ما يكون ارتاح من الأولى بس ارتاح مع الثانية وعاملها زين ويمكن العكس! فلا تشيلين هم من هالناحية..
الله يسهل امورك ويكتب لك اللي فيه الخير