انا ملكتي كانت في بيتناعائليه وبسيطه الى ابعد حد وهذا اللي ميّزها .

اناانصحك انها تكون بسيطه وما تصرفي فيها كثير عشان تخلي شي لطلعتك يوم الزواج ان شاء الله ..

بالنسبه لي جهزنا مكان في الصاله الرئيسيه وخليناها المكان اللي حنقعد فيه انا وخطيبي وحطينا ورانا وحولينا بوكيهات ورد باشكال والوان حلوه انا كنت مختاره لون ورد ازرق مع اصفر لانه ماشي مع الفستان اللي كنت لابساه..واتفقنا مع مطعم يعملنا بوفيه في صالة الطعام..وبالنسبه ليا انا وخطيبي كانت لنا طاوله عشاء مخصصه في مكان بعيد عن المدعوين..

البدايه كان التصوير بعدين نزلنا انا وخطيبي انا دخلت اول عالمدعوين وجلست بمكاني بعد فتره قصيره دخل خطيبي وجلس مكانه وبذاك الوقت صار تلبيس الشبكه والدبل وبعدين شرب العصير والتصوير مع الاهل..بعد فتره الحريم دخلو عالبوفيه واحنا رحنا لطاولتنا واتعشينا وقعدنا نسولف لاااااااااخر الليل..

نصيحه مني لا تخافي ولا تتوتري وحاولي تستمتعي بهذا اليوم قدر الامكان وخليكي مبتسمه ابتسامه هاديه لانها حتعكس عليكي بجمال طبيعي فوق جمالك ولا تختاري تسريحه ولا مكياج مبالغ فيه حاولي يكون بسيط وحلو بنفس الوقت خلي الثقيل ليوم الزواج.... بالتوفيق