منتدى عالم الأسرة والمجتمع - عرض مشاركة واحدة

05-10-2005, 09:48 PM

princees

من كبار شخصيات المنتدى

تاريخ التسجيل: Mar 2005

المشاركات: 2,815

بيني وبينك

بيني وبينك.. شوية كلام هنقوله ليكِ ولجمالك... نحكي ونتكلم عن كل اللي يهمك.. في كلمة أو كلمتين...

أي سؤال محيرك إجابته هتلاقيها.. معلومة ووصفة بسيطة.. بس الحقيقة تأثيراتها أكيدة..

المهم خليكِ معانا وخلي بالك كل الكلام هيكون بيني وبينك..

وصفات إنما إيه لتغذية البشرة

فيه كام وصفة طبيعية ممكن إنك تجريبها علشان تحافظي على جمال بشرتك في رمضان، خاصة وإنك أثناء النهار مش بتحطي أي نوع من أنواع "الميك أب"..

الوصفات دي طبيعية وممكن إنك تجربيها وإنت في المطبخ بتجهزي الفطار، مش هتكلفك حاجة خالص، ده غير إنها بتفيد بشرتك في إنها بتضيع أي أثر للإرهاق اللي ممكن إنه يكون واضح على وجهك.

وصفة العرقسوس:

وهي عبارة عن إنك تغسلي وجهك بقطعة من القماش مبللة بشوية من مشروب العرقسوس اللي طبعا بيكثر في أيام رمضان، بس خلّي بالك إنك ماتقربيش من المنطقة اللي بجوار العين. ثم اغسلي وجهك بعد ذلك بماء فاتر وهتشوفي النتيجة.

الليمون:

جربي إنك تدهني وجهك بعصير الليمون واتركيه على وجهك لمدة 5 دقائق ثم اشطفي وجهك بالماء الفاتر.

وفائدة هذا الماسك إنه بيساعد بشرتك على التخلص من الدهون الزائدة.

الجزر:

حضري الجزر واسلقيه ثم اهرسيه وضعيه وهو بارد طبعا على وجهك. ثم اغسلي وجهك بالماء. وهتشوفي النتيجة، الماسك ده فايدته إنه بيكسب الجلد نعومة وبيضيع أي آثار للإرهاق على جلد الوجه.

الخيار:

ممكن كمان إنك تجربي ماسك الخيار.

وده بإنك تحضري خيار وتبشريه ثم تضعيه على وجهك، وبعد ما ينشف اشطفي وجهك بالماء الفاتر ونشفي وجهك بالراحة، ثم ضعي أي كريم مرطب.

وهتشوفي النتيجة لأن الماسك ده بيزيل البقع السوداء والنمش وبيشد البشرة.

والوصفة عن تفتيح البشرة وخصوصاً منطقة الركبة:

إن أحسن وأسهل طريقة لعلاج اسمرار الركبة هي دعكها بقشر الليمون مرة الصبح ومرة بالليل..

لو عندك وصفة إنت كمان انشريها هنا علشان الكل يستفيد منها، أو عندك سؤال ونفسك أصحابك من القراء يردوا عليه برضه اكتبى لي من غير ما تترددي..

بس كده.. زي ما قلت لك هقول لك ما قل ودل.. يارب تكوني استفدتِ ومستنية منكم أي سؤال أو استفسار.. ماتبخلوش عليا بكلامكم.. مستنياكم..

لاتنسوني من صالح دعواتكم لي اخواني بصحه والعافيه و ان يفرج همي ويرزقني الراحه بالدنيا والاخره
اللهم لك الحمد كل الحمد والشكر كل الشكر لما وهبتنى من نعمة قصرت وأقصر فى شكرك عليها
ولك الحمد كل الحمد والشكر كل الشكر لكل ابتلاء ساعدنى على الإقتراب من نعيم رحمتك
الحمدالله الذي بدل همي براحه ورضا
اللهم إني أعوذ بك من زوال نعمتك وتحول عافيتك وفجاءة نقمتك وجميع سخطك

كل عام وانتم بخير

__________________