اتوقع ان الرجال والله اعلم يبغى له تشجيع

يعني مثلا قولي له ثقافتك عاليه جدا ايش الكتب اللي انت تقراها

يعني اظهري له اعجابك فيه وبثقافته حتى لو ما كانت موجوده اصلا

بكذا بيتشجع ويحاول يقرا ليبهرك اكثر هذا اذا كان يحب القراءه

لانه كما اسمع ان الرجل كالطفل ينمو ويتغير للاحسن كلما زدت في تشجيعه

وبعد من خبرتي (يعني مجربته انا)اذا كان يحب القنوات الفضائيه والرقص

دائما رددي على مسامعه انت متغير الحمد لله ماعاد تهمك هالاشياء التافهه

احس انك كلما كبرت زاد خوفك من الله

انا الحين صرت اقلدك ما احب اشوف الاشياء هذا

وقولي له بعد انت الحين صرت قدوتي وافتخر فيك

صدقيني كثر ترديد الكلام هذا مفيد جداااااااااااااا

انا عن نفسي زوجى شال الدش بكبره مع انه كان يحبه

وحط بداله دش المجد الفضائيه

والحمدلله ماعاد في بيتي اغاني ولا رقص

وبعد حرص اهو انه يدخل عياله مدارس تحفيظ القران

مع انه قبل ما كان ملتزم حتى عائلته ماكانت ملتزمه

وهداهم الله بعد التزامه هو

وهذا كله بسبب ترديد العبارات التشجيعيه على مسامعه فقط

وهذا طبعا ما جاء بيوم وليله

لا طبعا جلست سنوات انتظر النتيجه

والحمدلله ان العواقب صارت سليمه

في بداية زواجي كنت افكر بالطلاق مثلك وكنت ابغض فيه كثرة النظرللمسلسلات

وكنت ابغض فيه اضمحلال الثقافه

لان ابوى الله يحفظه ما عمره حط عندنا تلفزيون من صغرتنا الين تزوجنا

وكان يحثنا دائما على القراءه

والحمدلله الذى استبدل الدرهم بالدينار

انصحك انك تسوي اللي قلت لك عليه احسن لك من الطلاق

لانك ماتدرين ايش بيجيك

ويمكن تحللين زوجك هذا عنده وتقولين ليتني ما تسرعت بالطلاق

لانه يصلي والحمدلله اذا كان يصلي كل شي يهون وان شاء الله يتغير

اتمنى لك السعاده الدائمه فى الدنيا والاخره

ودمتى سالمه

__________________
وداعا