منتدى عالم الأسرة والمجتمع - عرض مشاركة واحدة - لكل أم .. أولاًُ ادعي لي .. ثانياً احكيلي قصتك ..

16-09-2005, 03:14 PM

#29

memoota

قلم مبدع

تاريخ التسجيل: Apr 2005

المشاركات: 439

اي الحمدلله الي خلصت من هالتجربة وطلعت انت والبنوتة الله يحفظها سلامات ..

المهم عزيزتي شكرا والله من خاطري انك طمنتيني .. فماراح اشيل هم ان شاء الله .. بس لان اذكر ان شفت وحدة تعبت كثير بالعملية .. وظلت عشرة ايام بالمستشفى وكان منظرها يكسر الخاطر ..

المهم حياتي تسلمين

ثانيا بالنسبة لأغراض البيبي الحمدلله والشكر خلصت كل شي .. اشتريت الاغراض يعني مو من اماكن محددة بس اكثر شي من مذركير ونيكست ودبنهامز وبس تقريبا ..

هاي بالنسبة للملابس والاغراض البسيطة .. بس بصراحة السرير الصغيرة الي هو سلة موسى مثل ما يسموها اخذتها من اختي لان صار بنتها سنة وماتحتاجها .. واخذت والله كثير اشياء من اغراض بنت اختي .. يعني نصها اشتريتها ونصها لبنت اختي ..

والحمدلله جهزت شنطة المستشفى .. واخذت راي كل وحدة جابت عشان اعرف ايش الاشياء الي احطها بالشنطة ..

والحمدلله زوجي البارحة حدد ايش راح تلبس اول ما تطلع .. وبصراحة هذا انجاز عظيم

لانه مايحب يشوف الاغراض ابدا يقول والله احب اشوف الملابس عليها يعني لما تجي .. بس البارحة واو .. شي غريب تخيلي قعد يتفرج معاي على ملابس المستشفى .. ,عجبه كثير شي واحد وقال هذا اول ما تجي .. طبعا من الفرحة غيرت راي .. كنت محددة شي احبه كثير من اغراض بنت اختي جميل جداً .. بس خلاص مادام زوجي قال هذا .. يعني هذا ..

المهم ياستي .. الحمدلله ماباقي شي . .غير تشريف حضرة معاليها الكريم .. وننتظر

والله كريم

__________________

اللهم اني استودعك هذا الجنين فحسن في خلقه وخلقه واجعل عاقبته الى خير .. اللهم يسر حملي وولادتي .. آمين

اللهم احفظها واجعلها بارة بنا يارب .. وارزقها الصلاح في دينها ودنياها يارب العالمين