بعد ما صحينا الفجر من تعب السفر كنّا متشوقين جداااااا نشوف صلالة لإننا وصلنا في الليل وماشفنا غير الأمطار

أول ماصلينا الفجر طلعنا في حديقة الفندق كانت مغرية لدرجة كبيييييييييييييرة
الجو غاااااااااائم على طول والرذاذ متواصل وجلس الأطفال يلعبون في الحديقة وفي ألعابها
وجلسنا على شاطيء البحر فيها المزين بنخيل جوز الهند والجلسات والمطاعم
ونتصور بالفيديو وكأننا في حلم من روعة المكان مو مصدقين انفسنا لإننا ماتوقعنا أبد نلاقي صلالة بهذه الروعة

حتى بعض الأهل كانوا يقولون وش بيوديكم صلالة؟؟؟؟بتروحون يومين وبتملون وبترجعون .........حتى إنهم خوفوني ...وزوجي قال لاتخافين بإذن الله حاس إننا بننبسط وقال : إذا ماعجبتنا بنروح منها لمصر أو دبي.

وفعلاً صدق حدس زوجي وأنبسطنا لدرجة إن ماودنا نرجع ولكن صلالة تحتاج لأكثر من عائلة ونحن كنا لوحدنا لذا قررنا بإذن الله السنة الجاية ناخذ أهلنا ونطلع فيها شهر .

وكل من يتصل بنا من الأهل ويسألنا عن صلالة يقعد زوجي يوصف ويمدح في جمالها وجوها ورذاذها وخضارهاو الضباب و.....و..........و..........ويكرر المدح لكل شخص يتصل ....وحتى من روعتها صار زوجي يتصل على أصحابه ويمدح فيها ......حتى إن واحد من أصحابه راح لها بعد رجعتنا وووانبسط مررررررة وقال بإذن الله كل سنة بيروح

والأهل بعد ماشافوا الصور وصور الفيديو على الطبيعة قالوا بإذن الله السنة الجاية نحن معاكم .

وحتى السائق العماني من كثر مايسمع زوجي يتكلم بالجوال ويمدح.......
قال من قبيل المزح : وزارة السياحة عندنا مادروا عنك وعن إعلاناتك.
وقال له زوجي بإذن الله : بأخلي لكم صلالة أكثرها سعوديين السنة الجاية.






أدري طولت عليكم وأزعجتكم بقرقرتي وتقولون في نفسكم وين بقية رحلتها؟؟؟؟

بس شسوي حرمة وأحب الثرثرة وأتحملوني










المهم طلعنا بعد الظهر إلى المغسيل وكان الطريق رائع

ونمشي من هذا الجسر إلى أن نصل للنوافير


بصراحة صوت النوافير مرعبة حتى إن إبنتي الصغيرة أخذت تبكي من قوتها

مناظر جداً رااااااااائعة وخلابة




وهذه صورة للجلسات عند كهف المارنيف


وهذه صورة للحظة إرتطام الأمواج واللى منها تطلع النوافير


إنطلاقة أخرى لنافورة




وبعد ماأنتهينا نزلنا من الجبل ومشينا شوي بالسيارة بطريق الرجوع

ووقفنا عند إستراحة كبيرة على البحر فيها جلسات للتأجير على البحر وفيها مطعم فيه مالذ وطاب وإذا حبيت تطبخ أكلك بنفسك وتشوي عادي

الجلسات إللى على البحر مثل الأكشاك ومظللة من الأعلى والبحر أمامك والجو الرباني الرااااااااائع
وفيه جلسات عبارة عن كوخ فيه غرفة نوم بسريرها وصالة للجلوس فيها كنب وتلفزيون ومكيفة وبداخلها الله يكرمكم حمام ومحوطة بسور من القش وفيها من جهة البحر كراسي إذا حبيت تجلس في خارج الغرفة
ورخيصة اليوم بكامله بمئة ريال سعودي سواء طلبت أكل من المطعم عندهم أو جبت أكلك معك أو حبيت تشوي عند الباب على البحر

وأنا أصريت على زوجي نأخذ كشك لإني قلت له أنا شاردة من المكيفات وماابغى أترك الجو البديع وأجلس في غرفة مكيفة
وللأسف لقينا كل الأكشاك محجوزة

وأضطرينا نسـتأجر غرفة مكيفة
بس ماحللناها بمجرد ماأنتهينا من غذانا أخذنا كراسينا وجلسنا في الخارج على البحر وفي الهواء الخيالي
إلى أن قرب وقت المغرب

وفي طريقة عودتنا للفندق توقفنا عند أكشاك بيع النارجيل وشربنا من عصيره
أولادي ماعجبهم
وأناماقدرت أشرب إلا شوي ............ومسكين زوجي راح فيها إضطر يشرب عصيري




ورجعنا بعد ماأنبهرنا بتلك المناظر .........وإللى شوقنا إن السائق قال لنا ......لسه ماشفتوا شيء بكرة بإذن الله بتشوفون أشياء خيالية.


........

.وش بنشوف أجمل من كذا ؟؟؟؟؟؟؟؟؟؟؟.........هذا ماسنشاهده في الحلقة القادمة بإذن الله لإني تعبت من الرغي والكتابة والبحث عن صور شبيهة من المنتدى











نراكم مرة أخرى بإذن الله فانتظرونا



ملاحظة : أكثر الصور أخذتها من منتديات خاصة بالسفر لإنها شبيهة جدا بصوري
لذا إختصاراً للوقت إقتبستها
وبعض الصور من تصويري الخاص.


وجزاكم الله خيراً



.