وش احلى من الراحه ؟؟؟ الحين انتم ما ينعرف لكم لو تنشغل الحرمه ببيتها وعيالها قلتوا مقصره بحقنا وكل واحد طق بشته وراح يركض يتزوج الشغالات هم اختراع لمصلحة الزوجه زي ما السيارات صارت لكم ومن صالحكم اختراع يريحكم ... يعني مستكثرين وحده تجي وتساعد الزوجه بشغلها ؟؟ان جى الرجال من الدوام والغدا ما خلص صارت سالفه ولو رجع والبيت منحاس صارت سالفه وان رجع وحصل زوجته من الحوسه والشغل اللي متراكم عليها ما لبست وكشخت له زعل مد البرطم وقال بعرس جد انتم يالرجال صنف ومخلوووووووووق غريب ما يعجبه العجب اتركوا الحرمه بحالها خلوها تعيش زي ما انتم تفكرون تعيشوووووووون ..وعلى سالفة ان الشغاله خطر على البيت علشان الازواج وانه بيت مسلم ومن هالسوالف ..يعني ما حبكت الاخلاق والدين الا لو جبنا شغاله اجل لو سافروا الازواج برا توقع وش بيشوفون رجال بس؟؟؟؟؟؟؟؟؟؟؟؟ والا اللي برا غير واللي في بيتنا غير؟؟ كل شي يريح الزوجه صار غلط ..هي ما تجي الا لتنظيف البيت اما الطبخ والاطفال علينا ..يعني وش المشكله العويصه فيها؟؟؟؟رفقا بالقوووووووووووارير=يعني حريمكم وزوجاتكم