الف مبروك ياخوي والله يجعلها قرة عين لك ويسعدكم يارب
الدلع يوجد في الولد والبنت على حد سواء وبعضهم يستمر معاه لسن متقدمه
يعني لما يطلب الولد طلب ولا تنفذه يبكي ويكون حساس جداً وهذا نوع من الدلع
او لما تمزح معه وتقول له ( دبا ) يقوم يبكي ويزعل ويقلب الدنيا !!
او لما يطلب ابوه فلوس وهو لسى صغير جدا ويعطيه ريال !!
يقول لا يابابا مابي صغيره ابي فلوس كبيره !! طبعاً يقصد 500 ريال !!
وراح اذكر لك بعض المواقف أيضاً على الاطفال وهم جزء لا يتجزاء منا يالكبار !!
لما يجي موعد وجبة الغداء أنت تنقز على السفره ومفتح عيونك على الباب تنتظر الوليمة
وأخوك الصغير منسدح في فراشه ينتظر الدلع يافلان قم تغد ؟ لا مابي غدأ !!
طيب كل صحن سلطه لا مابي !! طيب لقمة حلا بس لا مابي !! خلوني بروحي !!
وهو ميت جوع لكنه يترقب من كل افراد العائله تجي تدلعه واحد تلو الآخر !!
أيضاً الولد الصغير يقول : ماما أعطيني جوالك احطه بالشاحن .. طيب خذ ياولدي الجوال
الولد يرفع الجوال فوق راسه ويرميه على البلاط ويصير ثلاث قطع !!
البنت الصغيره تجلس على تسريحة أمها وتتعطر وتسوي حركات وهذا دلع مبكر !!
الولد الصغير يتقمص شخصية ابوه ويلبس غترته وعقاله وابوه نايم ويحاول يقلد تصرفاته
طيب هذا الولد وش يسوي لما يدخل متوسط اكيد راح يداوم وهو لابس البشت !!
تحياتي / هتـــــــان
التعديل الأخير تم بواسطة هتــان ; 27-08-2005 الساعة 11:31 AM