السلام عليكم
الأسئلة المطروحة عادية، لأن النظرة الشرعية تكون من شان كل واحد يعرف ولو جزء من شخصية الثاني من خلال إجاباته، بعدين إذا كانت البنت خجلانة راح يكون واضح عليها، وفي فرق بين الغباء والخجل، والشاب راح يعرف من طريقتها في الكلام. بس عندي سؤال: ليش الفكرة المأخوذة إن الشاب بس هو اللي يسأل في الشوفة؟؟؟؟؟ والبنت مالها حق؟؟ هي بعد من حقها تعرف شخصيته حتى تقدر تحدد موقفها، ومثل ما قال الأخ ليناردو الشاب كمان راح يكون مرتبك، يعني كلمة منه وكلمة منها راح يقدروا يتفاهموا، أما بالنسبة للأخ ماجد فقد قال إن على الشاب ان يخفف على البنت وأنا أوافقه الرأي (حتى لو كان الشاب مرتبك ما راح يكون نفس البنت)،يعني لا تروح وأنت مكشر و حامل هموم الدنيا فوق راسك، واقعد مع البنت وانت رايق (حتى لو كنت داخليا مو على بعضك)، وابتسم ابتسامة هادية (قلنا هادية مو تقعد تضحك كأنك سامع نكتة البنت تنخبل بعدين). أما بالنسبة لكلامه من إن الأسئلة تعطي إنطباع خاطئ فأنا لا أوافقه أبدا...بالعكس راح تكون الإجابة سريعة وما راح يفكر الشخص كثير قبل يقولها (يظل ساكت ويفكر، بيطفش الطرف الثاني) يعني راح تكون إجابة صريحة سريعة وتظهر الحقيقة........................مجرد رأي

__________________
[IMG]http://www.*****************/thumbnail/Baby001.JPG[/IMG]