هلا فيك حبيبتي . .
مشكلة اختك برأيي انها تعاني من صراع نفسي سببه عدة عوامل . . و هذه العوامل تجمعت مع بعض كلها في هذا الوقت . .
ممكن تقولي اشمعنى الآن . . انا راح ابين لك . .
اول شئ . . انتي بنفسك قلتي ان علاقتك بأختك من السابق ليست قوية . . و هذا شئ انا استغرب منه جدا . . لأنكم اخوات . . و دائما يجب ان تكون العلاقة بين الأخوات قوية . .
ثاني شئ . . التفرقة بالمعاملة من طرف والدتك . . هذا بحد ذاته يدمرها . .
ثالث شئ . . انك انخطبتي الآن . . و ممكن خطوبتك اثارت غيرتها لأن البيت كله راح يهتم فيك . . و راح تكونين محور الأنتباه . . و انت بالأصل مثل ما ذكرتي ان امك تدللك اكثر منها . . فما بالك بوقت زواجك و اهتمام العائلة كلها!!
حبيبتي . . الحل هو انك تاخذين اختك لمطعم مثلا . . او مقهى . . و تتكلمين معها بصراحة . . و تقولين لها انك ملاحظة انها متغيرة معاك . . و تبينين لها انك تحبينها و تهمك راحتها و سعادتها . . و جيبيلها هدية بسيطة . . و النقطة الأهم . . " لازم والدتك تهتم فيها اكثر" لأن برأيي هذا هو السبب الرئيسي و هو برأيي صلب الموضوع . .
تحياتي لك حبيبتي . . و اتمنى لك السعادة . .