و عليكم السلام و رحمة الله و بركاته

أخي أنا عارفة بهالشي..أدري إن شرعاً هو موب ملزم انه يصرف علي..و حتى ذكرت هالشي في نهاية المشاركة الأصلية

أنا ما أطالبه انه يتحمل مسؤليتي بالكامل..أنا كل اللي أبيه اني أحس انه يعتبرني مسؤليته...يعني مثل ما قلت أبوي مو مقصر معاي ولا يبخل علي بشي..يعني الحمد لله رب العالمين أنا مو ناقصني شي..بس يعني تمنيت لو ان زوجي ولو بس سألني..مجرد السؤال كان بيحسسني انه متحمل فيني (يمكن ما بتفهمني كونك رجال..أتوقع الأخوات بيفهمون هالنقطة أكثر)..يعني صدقني البنت مهما أعطاها أبوها..عطية زوجها يكون لها مكانة خاصة في نفسها
تصدقني لو قلت لك انه لو سألني كان ممكن أقول له اني ما أحتاج..لأن هذه هي الحقيقه (أو أقول له مثل ما أقول لأبوي إذا سألني ان كنت محتاجة فلوس أقول انت كريم و أنا أستاهل و تعرفني ما أقدر أردك في شي ) يعني سؤال ولو مجاملة ما يضر بس مثل ما قال هو ما جاء في باله هالشي

و مع احترامي أخوي أنا ما أعتبر نفسي غلطانة ولا أعتبره هو غلطان (مع اني في البداية فكرت كذا بس أشوه الله هداني و فكرت بعقلانية "شوي" )
بس على العموم أنا مبسوطة من هالموقف علشان كذا ودي أستفيد منه قد ما أقدر..يعني من ناحية هو التفت نظره لهالشي و أنا تعلمت إن إذا كان في بالي شي أقوله لأن حسب تعبيره "هو ما يعرف يقرأ أفكار"..فأحسن طريق هو المصارحة...يعني من جد أنا مبسوطة إني تجرأت و سألته من البداية..يعني صحيح اختلفنا شوي و زعلنا شوي بس هذه أشياء طبيعيه تحصل في أحسن العائلات..أهم شي الواحد أيش يستفيد من التجربة اللي حصلت له