شكرا أختي على اهتمامك
أنا مو معودته ان أنا اللي أدفع
يعني إذا رحنا مطعم ولا شي دائما هو اللي يدفع إلا إذا كنت أنا اللي عازمته..و أحيان كثير نطلع على أساس اني عازمته و هو يدفع و اذا قلت له مو المفروض أنا عازمتك؟ يقول لي ما فرقت المرة الجاية
و دائما إذا اشترينا شي هو يدفع بس أنا ألاحظ إنه بعض الأحيان إذا كان الشي خاص لي (لبس أو شنطة أو جزمه) هو ما يتقدم إنه يدفع..و صراحة أنا أستحي أطلب منه و أقول له انت ادفع..لأن مثل ما قلت هو يعطيني مصروف

و أنا ما أقصر يعني بين وقت و ثاني آخذ له هدايا تتراوح بين قيمة و بسيطة..يعني ممكن عطر..مسباح..نظارة شمسية ماركة..قلم ماركة...أو من الناحية الثانية لعبة بلايستيشن..نوع شكولاته هو يحبه...أشياء زي كذا....و هو بالعاده نفس الشي بشكل دائم يجيب لي هدايا بسيطه (ورد، شكولاته، فأرة كمبيوتر يوم اختربت الفأرة اللي عندي..أشياء زي كذا) و الهدايا الثمينه يخليها للمناسبات (يوم مر 6 أشهر على ملكتنا..بمناسبة نجاحي..ذكرى ميلادي (ذكرى مو عيد ما سوينا احتفال بس جاب لي هدية و عزمني على العشا))

المهم أنا أكون كذابة إذا قلت ان قاصر علي شي...أنا كل اللي أبيه اني أحس انه متحمل مسؤليتي أو على الأقل يحس اني مسؤليته..فأنا كنت أبي ألفت نظره لهالشي...بالذات ان هو دايم يقول لي أنا أول مره أخطب..ما عمري صار لي خطيبه من قبل يعني مو دايما أعرف أيش هو التصرف الصحيح...و أنا مو كامل بس اعرفي ان مهما صار أنا ما يوم راح أتعمد أسوي شي يأذيك...الخ

أنا عارفه ان ما فيه انسان كامل و كلنا فينا عيوب و أنا أحبه و واثقه من حبه لي علشان كذا ودي اننا نكمل بعض..يعني أنا فيني بعض الصفات اللي مو حلوه و هو دائما يشجعني اني أتخلى عنها...أنا ودي أسوي نفس الشي له..ودي أنبهه للأشياء اللي هو يغفل عنها و أشجعه على صفاته الحلوه و أساعده انه يتخلص من الصفات اللي موب حلوه...تظنون ممكن ولا مجرد أحلام بنات وردية؟؟؟ ادعوا لي الله يوفقني