شوف يا اختي انا تزوجت صغيره وماعارف اسوي شي حتى كوب الشاي ماعرف اسويه
احس انه شي صعب !!
وبرغم اني كنت احب اتعلم الطبخ الا ان امي الله يهديها ماعلمتني شي
وكل اعتمادها على الخدامات !! وماكانت تخليني حتى ادخل المطبخ او اسوي شي
وتخاف علي يصير لي شي لو دخلت المطبخ وتقول عني صغيره على المطبخ وماخلتني حتى اجرب !!
( صغيره على المطبخ وماقالت صغيره على الزواج )
بس انا بعد الزواج ماعرفت اسوي لزوجي شي فاشله بالمطبخ بس كانت فرصه اتعلم
وماسالت اهل زوجي ولا طلبت منهم يعلموني
سالت صديقاتي وسالت امي بعد مالمتها انها زوجتني وانا ماعارف شي
صحيح بيت اهل زوجي فيه خدامه بس ليش اتعرض للكلام اني ماعرف اسوي شي !!
وظليت اسال واتعلم واجرب الطبخه في بيت اهلي ولما اتقنها اجربها في بيت اهل زوجي
وكان اكلي يعجبهم وزوجي صار ماياكل الا من اكلي !!
واللحين بعد مرور السنوات شوفيني بارعه بالطبخ بانواعه واسوي ذبيحه في البيت
وصاروا اللحين ياخذون طريقة الطبخات من عندي
وانتي دام عندج الرغبه صدقيني بيجي اليوم اللي تكوني فيه اروع طباخه
وترى الطبخ مايبيله شي اعرفي الاساسيات والباقي سهل جدا
واهم شي تكونين انتي حابه تطبخين وحابه تتعلمين !!
أما ترتيب البيت ونظافة العيال واهتمامج بنفسج مايبيلها شي ماتحتاج تعلم !!
وممكن تجيبي خدامه تساعدج بترتيب البيت وانتي تتفرغي لأبو العيال ولنفسج وطبعا للمطبخ .