منتدى عالم الأسرة والمجتمع - عرض مشاركة واحدة

18-08-2005, 02:16 AM

عااشقة الليل

عضو نشيط جدا

تاريخ التسجيل: Jul 2005

المشاركات: 267

مليت من الشك

السلام عليكم جميعا . اعذروني اذا خبصت في الكلام لاني اول مره اشترك في منتدى و اعرض مشكلة تخصني و انا واثقة كل الثقة انكم ما راح تقصرون معاي بنصائحكم

ادخل بالموضوع على طول انا كنت مخطوبه لشاب و كانت الخطوبه بشكل تقليدي طبعا وافقت لانه شخص محترم و ما سمعنا عن اهله الا كل خير و كان شرطهم انه يكون الزواج بعد سنه و طبعا الاهل وافقوا:14: لكن الموضوع طال و استمرت الخطوبه مايقارب 3 سنوات هم كانوا يلمحون انهم لسى على وعدهم بس سبب التأخير هو انهم بيشترون بيت جديد و غيره الحاصل انا و الوالده و الوالد سافرنا عند اخوي في مدينة ثانيه علشان نقضي العطلة الصيفيه عنده طبعا بما ان الوالد موجود كانوا عيال اعمامي يترددون على بيت اخوي و كان من ضمنهم واحد كنت متيمه فيه و انا صغيره بس من زمان راح عننا و ما كنت ادري عنه الا انه تزوج و طلق مرتين و عنده ولد عمره 5 سنوات و كان له اسبابه الي الكل يعرفها و كان كثيييير التكرار على بيت اخوي علشان كذا احس الحب المدفون ظهر, في يوم و بدون شعور مسكت جوال زوجت اخوي و ارسلت له مسج اني كنت احبه من زمان و اني ما ابي الغريب و ابيه هو وكان يرد علي و استمرت بيننا المسجات لفتره قصيره و بعدين انقطعنا و بعد شهرين و في رمضان بالتحديد ارسلت له مسج معياده على قرب عيد الفطر و تفاجأت انه ارسلي مسج يقول لي فيه انه ناوي يخطبني و بالفعل خطبني و تم الزواج و انا الان متيمه فيه و هو بعد كان يقول لي دائما و ينك عني من زمان بس ايش المشكله المشكله انه ما عندي ثقه فيه لمن يقولي احبك اقوله كذاب و هو طبعا يتضايق احس اضغط على نفسي علشان مايندم انه اخذني هو مو مقصر معي بس المشكله الشك و انا اخاف انه يمل مني و يكرهني ارجوكم دورو لي حل مليت من شكي هذا